Dwanatkarjo swojich wučerjow jasnje porazyli

Mittwoch, 08. Juni 2022
Artikel bewerten
(0 Stimmen)
30. jubilejny wolejbulowy duel na Budyskim Serbskim gymnaziju dobychu dwanatkarjo přećiwo swojim wučerjam z 2:0. Stejo wotlěwa: Clemens Handrik, Franciskus Wornar, Měrko Korjeńk, Jakub Škoda, Matthias Richter, Lukaš Ćemjer, Maćij Čižank, Aaron Bjeńš, Bosćij Bejma; klečo wotlěwa: fan Bosćan Donat, Franz Friedrich, Pawoł Haška, Metod Šołta, Bruno Brückner, Michał Eiselt a kapitan Julian Tomašk. 30. jubilejny wolejbulowy duel na Budyskim Serbskim gymnaziju dobychu dwanatkarjo přećiwo swojim wučerjam z 2:0. Stejo wotlěwa: Clemens Handrik, Franciskus Wornar, Měrko Korjeńk, Jakub Škoda, Matthias Richter, Lukaš Ćemjer, Maćij Čižank, Aaron Bjeńš, Bosćij Bejma; klečo wotlěwa: fan Bosćan Donat, Franz Friedrich, Pawoł Haška, Metod Šołta, Bruno Brückner, Michał Eiselt a kapitan Julian Tomašk.

Jubilejny 30. wolejbulowy duel na Budyskim Serbskim gymnaziju wotměli

Na dnju šulskeho swjedźenja na Serbskim gymnaziju Budyšin (SGB) wotměštej so zdobom tradicionalnej wolejbulowej dwubojej. Jubilejny 30. duel muskich dobychu dwanatkarjo z 2:0 přećiwo swojim wučerjam a ze samsnym rezultatom přewinychu abiturientki wučerki.

Sportowy wjeršk njeskomdźić

Sportownja Serbskeho a šulskeho zetkawanskeho centruma Budyšin (SŠZC) so na dnju šulskeho swjedźenja krótko po 11 hodź. pjelnješe. Wjace hač 300 šulerjow 5. do 12. lětnika nochcyše sportowy wjeršk šulskeho lěta skomdźić a so na wolejbulowej dwubojej mjez dwanatkarjemi a wučerjemi přihotowachu. Woni postarachu so wo porjadnu atmosferu a tworjachu tak perfektny ramik wubědźowanja.

Tradicija sportowych duelow při wysokim saku saha daloko wróćo do NDRskeho časa a so na nowym Budyskim Serbskim gymnaziju wot nazymy 1992 dale wjedźe. Srjedu, 26. meje 1993, bě tak daloko: Abiturienća přesadźichu so přećiwo swojim wučerjam na Budyskej Listowej čo. 8 z 3:2.

Wobě sadźbje 25:20 wušłoj

Veröffentlicht in Sport

Galerie

dalši wobraz (1) 14. Wolejbulowy duel žónskeje generacije na SGB dobychu abiturientki přećiwo swojim wučerkam z 2:0. Stejo wotlěwa: Jana Štillerová, Aquina Žurec, Christina Brězanec-Žurowa, Julia Belkotec, Sylwija Rječcyna, Leonie Wenclec, Sylwija Šěnowa, kapitanka Cecilija Šwajcerec; prědku: Jadwiga Šurec, Gabriela Jendrewscyna, Janine Gärtnerec, Zuzana Rjedźina a Elisa Korjeńkec. Foto: Měrko Korjeńk
Bitte anmelden, um einen Kommentar zu posten

Serbska debata

Neuheiten LND