Z pilotowym projektom dnjowu strukturu w Domje swj. Jana skrućeja

Smječkecy (AK/SN). Wuspěšnje skónčił je so kónc junija pilotowy projekt w Smječkečanskim Domje swj. Jana. Tam wutworichu wot lońšeho septembra wjacore mjeńše skupiny zbrašenych, z kotrymiž su na přikład přeprošenja za lětnju diskoteku paslili abo marmeladu warili. „Skupiny su dźěl našeje noweje nutřkowneje dnjoweje struktury. Wona ma so nětko dołhodobnje w praksy wopokazać. W Budyskim wokrjesu smy prěni, kotřiž su tajku strukturu zawjedli“, powěda nawoda domu Tadej Šiman.