Kamjenc (BG/SN). Na dźeń wotewrjenych duri běchu minjenu njedźelu čłonojo Iniciatiwy dźěći z Černobyla do swojeho domicila na Kamjenskej Fichtowej přeprosyli. Wot lěta 1990 přeproša Kamjenske towarstwo běłoruske dźěći z Budy Košeljowa na wočerstwjenski přebytk do Lessingoweho města. Nimo toho organizuja wottam kóžde lěto pomocne transporty do wuchoda. W Kamjenskim towarstwje je so nětko generacija pomocnikow změniła. A Černobylske dźěći prěnich lět su mjeztym sami dorosćeni a starši.