Budyšin (CS/SN). Wjelelětne „wobličo“ Budyskeje centrale přetrjebowarjow Dirk Mittrach njemóžeše so wčera chorosće dla na swjedźenju k 25lětnemu wobstaću centrale wobdźělić. Tak staj Andrea Heyer a Robert Hoyer ze sakskeje centrale přetrjebarjow zbožopřeća zastupjerjow města, wokrjesa a Sakskeho krajneho sejma přijimałoj. Wšitke tři runiny centralu tež pjenježnje podpěruja, zo móhli tam ludźi njewotwisnje poradźować.