W dobje pobrachowacych lěkarjow su nowe koncepty trěbne, zo by zastaranje pacientow zaručene było. Kamjenc ma za to modelowy region być. Mnozy pak su skeptiscy.
Kamjenc (UM/SN). Mamy přichodnje hišće sami k lěkarjej hić? Budźe scyła hišće tajki, ke kotremuž móžemy hić? Tróšku prowokantnej prašeni matej swoju přičinu: Hižo dźensa je přićehnjenym Kamjenčanam ćežko domjaceho lěkarja namakać. Pola fachowych medicinarjow lědma lěpje wupada.
