Město ma model za slepych dóstać

Montag, 17. Januar 2022
Artikel bewerten
(0 Stimmen)
Předsyda Wojerowskeho Lionsoweho kluba Steffen Markgraf so hižo na měšćanski model za slepych a špatnje widźacych wjeseli.  Foto: Silke Richter Předsyda Wojerowskeho Lionsoweho kluba Steffen Markgraf so hižo na měšćanski model za slepych a špatnje widźacych wjeseli. Foto: Silke Richter

Na Wojerowskim staroměšćanskim torhošću ma relief města nastać, po ko­trymž­ móžeš z rukomaj tasać. Iniciator je Lionsowy klub, a tón nětko za swój projekt pjenjezy zběra.

Wojerecy (SiR/SN). Štož druhe města maja, dyrbjało so tola tež we Wojerecach zwoprawdźić hodźeć. Měnjeny je model města nad Čornym Halštrowom, kotryž ma předewšěm slepym a špatnje widźacym zaćišć wo měsće dać. Štóž je tajki model hižo raz widźał abo tasał, wě, zo je tajka atrakcija tež za ludźi bjez handi­kapa jara zajimawa a přiwabliwa.

Wot lěta 2019 so Wojerowski Lion­sowy klub z mysličku tajkeho projekta nosy. Mjeztym je to jedne z najwjetšich předewzaćow kluba w jeho 25lětnych stawiznach, praji předsyda Steffen Markgraf. Tak dyrbjachu najprjedy raz wu­měłca namakać, kiž tajki relief zhotowi. Z Egbertom Broerkenom ze sewjerorynsko-westfalskeho města Welver drje su jednoho namakali. Wón pak trjeba cyłe lěto za to, štož je za tajki projekt cyle normalne. Nimo toho w jeho firmje runje generacisku změnu k juniorskemu šefej Felixej Broerkenej organizuja.

Veröffentlicht in Socialne
Bitte anmelden, um einen Kommentar zu posten

Anzeige