Žony ze swójskimi stawiznami pytane Empfehlung

Mittwoch, 01. Juni 2022
Artikel bewerten
(0 Stimmen)

W měsće Wojerecy bydli tuchwilu wjace hač 16 400 holcow a žonow. To je ně­hdźe 52 procentow cyłeho wobydlerstwa. Dźesać žonow chce zamołwita za runostajenje města Korina Jenssen we wustajeńcy předstajić.

Wojerecy (SN/MiR). Pod hesłom „Wojerecy: Twoje žony“ chce wona z kolegowkami a kolegami zhotowić krótke portrety z widom na wosobinski žiwjenjoběh a biografiju dźěła žonow. Přidać ma so foto. „Tak chcedźa zwobraznić dohlady do wšědneho dnja žonow kaž tež indiwiduelny wid na jich žiwjenje, jich město a wobswět“, zwuraznja Korina Jenssen, kotraž zastojnstwo z lońšeho lěća wukonja. Nimo krótkeho předstajenja wotmołwja protagonistki na dźesać prašenjow z tym, zo sady dokónča. Zajimawe wotmołwy wočakuja tuž na přikład na: „By­dlu rady we Wojerecach, dokelž …“, „Sym horda na …“, „Ze supermocami bych …“, „Ze strukturnej změnu zwjazuju …“.

Veröffentlicht in Socialne
Bitte anmelden, um einen Kommentar zu posten

Serbska debata

Neuheiten LND