Nowu chroniku Chróšćanskeje wosady a gmejny zjawnje předstajili

Chrósćicy (SN/MWj). Chronika „Chrósćicy“, kotraž je składnostnje 800. róčnicy Chróšćanskeje wosady a gmejny w Ludowym nakładnistwje Domowina wušła, je wuslědk dweju a poł lěta intensiwneho dźěła. Nowostka dožiwi wčera na Krawčikec žurli premjeru. Wjace hač 200 ludźi ze wsy a cyłeje wosady bě přišło. Organizatorojo wočiwidnje z tajkim wulkim zajimom ličili njejsu a dyrbjachu hišće tójšto stólcow přistajić. Na spočatku zaspěwa chór Worklečanskeje serbskeje zakładneje šule někotre pěsnje ze swojeho repertoirea.