Njebjelčicy (SN/MiR). Ćežišćo druheho swjedźenja Załožby za wnučkokmanosć zašły kónc tydźenja w Njebjelčicach běše fachowa wuměna. Hižo pjatk su hosćo z francoskeje gmejny Mouans-Sartoux třoch serbskich bio-burow wopytali a tam wo aktualnych wuměnjenjach bio-ratarjenja w Němskej zhonili. Zdobom pak rozłožowachu hosćo Markej Smołje, Ronnyjej Rebišej a Ignacej Wjeseli postupowanje při zastaranju zjawnych zarjadnišćow z ekologisce produkowa­nymi biojědźemi.