Njezbožowny start za Njebjelčanow
SJ Njebjelčicy –
HZ Běła/Cunnersdorf/Němske Pazlicy III 4:5 (2:1)
Zestawa domjacych: D. Wetzlich – A. Šram, A. Reinecke (85. G. Čornak), C. Reinelt, R. Hanuza, F. Domš (85. N. Schuster), J. Matješk, A. Korjeńk, T. Čornak (54. G. Herrmann), P. Hrjehor, N. Rudolph (54. D. Wagner)
Při słónčnym a ćopłym wjedrje witachu Njebjelčenjo hosći z njedalokeje Běłeje-Cunnersdorfa. Jako zestupnik z wokrjesneje ligi widźachu a widźa so Njebjelčenjo wězo w hornjej štwórćinje tabulki. Cil za sezonu je z tym jasny.
Wuslědki (24.08.23)
Wokrjesna klasa stafla III
1. ST Lubuš II 1 7 : 0 3
2. ST Njeswačidło 1 3 : 0 3
3. HZ Běła/Cunnersdorf/
Němske Pazlicy III 1 5 : 4 3
3. Wulka Dubrawa II/Radwor II
1 5 : 4 3
5. HZ Ralbicy/Hórki II/ST Mar. hwězda II
1 3 : 2 3
6. Zeleno-běli Sepicy 0 0 : 0 0
7. SJ Njebjelčicy 1 4 : 5 0
7. Jednota Kamjenc 1 4 : 5 0
9. Wujězd/Łaz/B. Chołmc II 1 2 : 3 0
10. Halštrow/Hlinowc II 1 0 : 3 0
11. FSV Łuty II 1 0 : 7 0
Wokrjesna liga stafla II
1. ST Wulka Dubrawa 1 7 : 1 3
2. LSV Hory 1 5 : 0 3
3. FSV Łuty 1 4 : 0 3
4. ST Kinspork/Łužnica 1 4 : 1 3
5. HZ Nadrózna Hrabowka 1 3 : 0 3
6. ST Kubšicy 1 2 : 0 3
6. Traktor Malešecy 1 2 : 0 3
8. Módro-běli Minakał 1 0 : 2 0
8. ST Lubuš 1 0 : 2 0
10. ST Bart 1 1 : 4 0
11. Zeleno-běli Bukecy 1 0 : 3 0
12. Wóslink/Skask./Kul. II 1 0 : 4 0
13. Nat. Němske Pazlicy II 1 0 : 5 0
14. Wojerowski FC II 1 1 : 7 0
Z poražku do noweje sezony
SG Weixdorf –
SJ Chrósćicy 2:1 (0:0)
Zestawa hosći: Králíček – Mark, Runt, Sentiwan, Šmalcl, G. Zahrodnik, Hawš, M. Zahrodnik (65. Wencl), Matješk, Bogusz (79. Kreuz), Młynk
K zazběhej do noweje hrajneje doby dojědźechu sej Chróšćenjo njedźelu do Weixdorfa. Domjacy wotzamknychu poslednju sezonu na přeposlednim městnje a zwostachu jenož druhich mustwow dla, kiž nochcychu postupić, w lize. Tuž sej hosćo w předpolu na kóždy pad někotre šansy wuličichu. Do hry spominaše so na zemrěteho koparja Pawla Šnajdera.
Hišće tři městna swobodne
Wuspěšny start do sezony
ST Marijina hwězda –
TSV Wjernarjecy 4:1 (2:1)
Zestawa domjacych: Matik – Wróbl, K. Pakoßnik, Zynda, T. Jurš, Langer (64. Peschmann) R. Cyž, Ch. Cyž, Schmidt (78. Hoge), J. Pakoßnik, Eldor
Na prěnim hrajnym dnju noweje sezony 2023/2024 we wokrjesnej lize witachu koparjo Marijineje hwězdy cyłk z Wjernarjec, hač dotal dospołnje njeznateho přećiwnika z hornjeho kraja. Zapadołužiski koparski zwjazk wšak je rozrjadowanje staflow předźěłał. Tak hraja Pančičenjo nětko w stafli I.
Misnjeny zazběh do noweje hrajneje doby
ST Porchow –
SJ Chrósćicy II 4:0 (2:0)
Zestawa hosći: K. Mark – J. Donat, Kola, Dórnik, F. Mark (62. Sćapan), B. Donat, Zynda, Handrik, Klemenc (75. Šiman), Dźisławk (46. T. Donat), Kř. Zahrodnik (83. M. Mark)
Nowa hrajna doba we wokrjesnej lize je so za Chróšćansku rezerwu minjenu njedźelu w Porchowje zahajiła. Hra pak njewotmě so horcym temperaturam wotpowědujo w tamnišej kupjeli, ale na trawniku přećiwo zestupnikej zašłeje sezony z wokrjesneje wyšeje ligi.
Perfektny debit za youngstera
FC Energija Choćebuz –
Kamjeničanski FC 2:0 (1:0)
Energija Choćebuz: Sebald – Hasse, Slamar, Campulka (86. Bektas), Borgmann, Pelivan (46. Putze), Hofmann, Oesterhelweg (63. Juckel), Heike, Thiele (83. Euschen), Prokopenko (63. Halbauer)
slěd wrotow: 1:0 Thiele (45.+3/jědnatka), 2:0 Bektas (88.)
Po ćežkim zazběhu do noweje hrajneje doby regionalneje ligi a prěnim dobyću w Rostocku trjebachu hrajerjo FC Energije tójšto moralki, zo bychu w domjacej hrě znowa tři dypki nahromadźili. To wšak so jim na suwerene wašnje poradźi. W přidatnym hrajnym času prěnjeho połčasa hóstny wrotar David Wunsch na njeho běžaceho Axela Borgmanna z nohow sćahny. Sudnik Sirko Müke pokutny kop postaji. Dokelž Jonas Hildebrandt zranjeny na tribunje sedźeše, přewza 32lětny Timmy Thiele zamołwitosć a k 1:0 přetwori.
Přihotowachu so z třomi testowymi hrami
Swoju prěnju testowu hru za nowu sezonu doma přećiwo TSV Wachau přewjedźe koparske mustwo SJ Njebjelčicy hišće bjez noweho trenarja Daniela Pohlinga. Hosćićeljo nawjedowachu zahe přez wrota Handrija Korjeńka (13.). Bohužel pak njemóžachu domjacy tutón předskok dołho dźeržeć a hosćo zwjertnychu hrajny staw hišće do połčasa k 1:2.
Po změnje stron pobrachowaše hosćićelam trěbne přeswědčenje a naposledk tež strašnosć. Tak zwyšichu Wachauscy na 3:1 (60.) a 4:1 (68.). 2:4 w 81. min. wotbłyšćowaše zbytnu hru, dokelž rozsudne situacije prosće fungować nochcychu. Clemens Reinelt třěli bul z połpola do šěsnatki. Flanka bywaše dlěša a dlěša a na kóncu, za wrotarjom, do dołheho róžka wrotow padny. Najebać tutych spektakularnych wrotow wonkowneho škitarja skónči so partija z wida SJN 2:4. Bě to powučny test, kotryž pokaza, zo maja hišće wjele dźěła.
Wuslědki (22.08.23)
Wokrjesna liga stafla I
ST Porchow – SJ Chrósćicy II 4:0 (2:0)
ST Mar. hwězda – Wjernarjecy 4:1 (2:1)
Drjewnica – Bretnig-Hauswalde 1:4 (1:2)
1. ST Porchow 1 4 : 0 3
2. SZ Steinigtwolmsdorf 1 6 : 3 3
3. Bretnig-Hauswalde 1 4 : 1 3
3. ST Marijina hwězda 1 4 : 1 3
5. Arnsdorfske KT 1 2 : 1 3
6. Motor Kumwałd 0 0 : 0 0
6. SpG Gaußig/öda 0 0 : 0 0
6. Königswartha II/Milkel II 0 0 : 0 0
6. TSV Wjazońca 0 0 : 0 0
10. SpG Frankenthal/Germania
Bischofswerda/FV III 1 1 : 2 0
11. ST Wjelećin 1 3 : 6 0
12. SZ Drjewnica 1 1 : 4 0
12. TSV Wjernarjecy 1 1 : 4 0
14. SJ Chrósćicy II 1 0 : 4 0
Španiska prěni króć swětowa mišterka
Španiska je sej w Sydneyju titul swětoweje mišterki w kopańcy žonow wudobyła. Južnoeuropjanki dobychu wysokoklasowe finale přećiwo bojownisce sylnej Jendźelskej 1:0. Španičanki smalachu po cyłkownje 105 hrajnych mjeńšinach (z přidatnym časom) přewšo zbožownje na polo. Wrota kapitanki Olgi Carmony w 29. min. wobradźichu jim nawjedowanje, kotrež po tym wuběrnje zakitowachu. Bě to prěni WM-titul za Španičanki, kotrež běchu w předkole hišće 0:4 přećiwo Japanskej přěhrali. Po tym pak so enormnje stopnjowachu a běchu skónčnje jasnje najlěpši team turněra. Europske mišterki z Jendźelskeje, kotrež tohorunja hišće ženje žónske swětowe mišterki njeběchu, podležachu. Jendźelčanki wojowachu drje z wulkim zapalom, mějachu hrajerskim kmanosćam španiskich drohotechnikarkow pak cyłkownje přemało spřećiwjeć.
