Kónčny spurt w knihowni

Mittwoch, 02. August 2017
Artikel bewerten
(0 Stimmen)

Budyšin (SN). Něhdźe połsta młodych čitarjow je so w Budyskej dźěćacej a młodźinskej bibliotece za knižne lěćo Sakskeje přizjewiło. Woni mnohostronski poskitk lektury wužiwaja a pilnje čitaja. Hač do 11. awgusta je hišće chwile, so z klubowym čłonom stać. Wulki zakónčacy swjedźeń, hdźež dóstanje kóždy wobdźělnik za tři čitane knihi certifikat, budźe 8. septembra. Wšitcy za knižne lěćo přizjewjeni dóstanu wot biblioteki wosobinske přeprošenje na swjedźeń. Knižne lěćo Sakskeje je prózdninska akcija sakskich zjawnych bibliotekow za zajimcow w starobje jědnaće do 16 lět.

Za tolerancu płuwać

Wojerecy (SN). Město Wojerecy pohosći 30. septembra wobdźělnikow zarjadowanja „Płuwać za demokratiju a tolerancu – Sym pódla“. Iniciator sportoweho zarjadowanja je Swobodny stat Sakska. Kónc julija přepodachu Wojerecam a tamnišemu wyšemu měšćanosće Stefanej Skorje (CDU) pućowanski pokal. „Sym sej wěsty, zo tež lětsa w našim měsće z tohole zarjadowanja we Łužiskej kupjeli jasne znamjo za swobodnu, demokratisku a swětej wotewrjenu towaršnosć wuchadźa“, Skora wuzběhny.

Veröffentlicht in Z městow a wsow
Bitte anmelden, um einen Kommentar zu posten

Anzeige