Druhdy maš zaćišć, zo je načasny srjedźoeuropski čłowjek hižo tohodla psychisce we wuwzaćnym stawje, dokelž je lěćo nimo. Měsacy dołho so powěda wo někajkich pozdatnych depresijach dla zymneho wjedra, šěreje přirody a krótkich swětłych dnjow. Tomu dyrbiš na najwšelakoriše wašnje zadźěwać, štož so mjez druhim bórze hižo ze zanjerodźenjom sydlišćow z nawalom kičojtych kumštnych swětleškow a wšelakich dekoracijow zwonka kóždeho dobreho słodu stawa.



