Pokazkowa manufaktura „Deutsche Kunstblume“ w Sebnicy je ...
Freitag, 18. März 2022
geschrieben von: Serbske Nowiny
Pokazkowa manufaktura „Deutsche Kunstblume“ w Sebnicy je (kumštne) kćenjowe aranžementy zhotowiła, kotrež tworja zakład tuchwilu w Drježdźanskej centralnej bibliotece přistupneje wosebiteje wustajeńcy „Blütenträume wie gemalt“. Tule pruwuje nawodnica Sebničanskeju manufaktury a muzeja Lisa Schmidt, hač kóždy detail trjechi. Foto: Steffen Unger
Schód (18.03.22)
Freitag, 18. März 2022
geschrieben von: Mikławš Krawc
Sće-li pytane słowa 1–6 prawje
zapisali, wučitaće z wuzběhnjenych kašćikow słowo njewotwisnosće.
1 rěčka přez Horjany
2 njewušikny, so kopolacy
3 figura
4 jězor w Madźarskej
5 ratarski wědomostnik
6 nic małosć
Pjaty róžk, nuznik, hajzl – hižo tónle mały wuběr wopřijećow ...
Freitag, 11. März 2022
geschrieben von: Serbske Nowiny
Pjaty róžk, nuznik, hajzl – hižo tónle mały wuběr wopřijećow pokazuje, zo su sej ludźo přez doby zajimawe mysle wo ćělnym wolóženju činili. Aktualna, hišće hač do 7. awgusta přistupna wosebita wustajeńca „Drauf geschissen“ na Ramnowskim baroknym hrodźe wobswětla „kulturne stawizny toalety“ wot časa Romjanow hač do dźensnišeho. Foto: Steffen Unger
Młodostni ze Serbskich Pazlic su lětsa zaso po tradiciji camprowali. ...
Freitag, 04. März 2022
geschrieben von: Janek Wowčer
Młodostni ze Serbskich Pazlic su lětsa zaso po tradiciji camprowali. Tu a tam sej tež někotružkuli dobru kapku popřachu. Nazběrali su pola ludźi pjenjezy a – štož je njewšědne – samo kisałe kórki. Hač sej te za přichodnu fetu chowaja, njeje znate. Foto: Lea Kralec
Słowa z ło (04.03.22)
Freitag, 04. März 2022
geschrieben von: Mikławš Krawc
1 wobstatk lisća
2 Serb, Čech, Polak ...
3 wjes, wot brunicy wohrožena,
pola Běłeje Wody
4 štož je nimo
5 Beigeschmack serbsce (o=ó)
6 nic cyle koło
Mišnjanski pórclinowy muzej wuhotuje tuchwilu wosebity prózdninski ...
Freitag, 25. Februar 2022
geschrieben von: Serbske Nowiny
Mišnjanski pórclinowy muzej wuhotuje tuchwilu wosebity prózdninski „kurs Kniggeho“ za dźěći w starobje šěsć do dwanaće lět. Na zabawne wašnje a z pomocu woprawdźitych pórclinowych sudobjow posrědkuja jim bytostne maněry za blidom. Za jutřiše, zakónčace zarjadowanje su pod hišće přizjewjenja móžne. Foto: Jürgen Männel
Spěwytwórc Dirk Zöllner a mjez druhim jako gitarist skupiny Pankow ...
Freitag, 18. Februar 2022
geschrieben von: Serbske Nowiny
Spěwytwórc Dirk Zöllner a mjez druhim jako gitarist skupiny Pankow znaty André Drechsler prezentujetaj jutře za tydźeń, 26. februara, w 20 hodź. swój aktualny program „Herzkasper“ w Budyskim Kamjentnym domje. Zajimcy njech maja so do spěcha, mnóstwo wopytowarjow je wobmjezowane. Foto: PR
Barokny hród w Ramnowje je wot jutřišeho znowa zjawnje přistupny. ...
Freitag, 04. Februar 2022
geschrieben von: Serbske Nowiny
Barokny hród w Ramnowje je wot jutřišeho znowa zjawnje přistupny. Tež tamniši restawrant potom zaso hosći wita, a to stajnje pjatk, sobotu a njedźelu wot 12 do 16 hodź. Mjez druhim poskića tam kuchar Danny Miethe sezonalne, regionalne a mjezynarodne kulinariske chłóšćenki. Wopyt hrodu kaž tež hosćenca je po płaćiwych hygienowych předpisach móžny. Foto: Steffen Unger
Křižowka (04.02.22)
Freitag, 04. Februar 2022
geschrieben von: Mikławš Krawc
Wodorunje: 3 nic wótry, 5 serbski awtor, 6 kow, 7 bratr Mójzesa, 10 wobydler srjedźneje Europy, 13 nic horje, 14 wobydler južneje Pólskeje, 15 dwojožiwc
Padorunje: 1 prjedawša šwedska skupina, 2 postrow Sportej a narodej ..., 3 dźěl huslow, 4 dźěl nohi, 8 wubědźowanišćo, 9 grjekski pismik, 11 zmylk w drasće, 12 póda
Mały Wjelkow skići tójšto zajimawostkow, kotrež hodźa so ...
Freitag, 28. Januar 2022
geschrieben von: Serbske Nowiny
Mały Wjelkow skići tójšto zajimawostkow, kotrež hodźa so wuchodźujcy wotkrywać. Jedna z nich je bjezdwěla tamniše pohrjebnišćo z historiskimi rowami Ochranowskeje bratrowskeje wosady. Pochowany je tam mjez druhim Jan Awgust Měrćink, wuznamny serbski tołmačer a misionar, skutkowacy mjez druhim w Kanadźe a Južnej Africe. Foto: SN/Hanka Šěnec
