Lipu a Jansku wotpokazaja

Mittwoch, 17. Oktober 2018 geschrieben von:

Žane dojednanje pomjenowanja dróhow w Dobrošicach dla

Njeswačidło (JK/SN). Pomjenowanje wjesnych pućow w Dobrošicach Njeswačanska gmejnska rada wčera wobzamknyć njemóžeše. Po tym zo běchu tamniši wjesnjenjo mjena namjetowali a na wobydlerskej zhromadźiznje gmejnskej radźe­ a wjesnjanosće Gerdej Schusterej (CDU) předstajili, njemóžachu so radźićeljo wčera dojednać, mjenje dróhow Lipa a Janska přiwzać. Wobě móhłoj po měnjenju wjetšiny radźićelow k njedorozumjenjam wosebje pola logistiskich předewzaćow a cuzych wjesć. Wjesnjenjo běchu mjenje namjetowali, dokelž hodźitej so němsce a serbsce wužiwać. Tomu njemóžachu so radźićeljo přizamknyć. Dojednachu pak so na to, z wjesnjanami w Dobrošicach hišće raz wo móžnych al­ter­natiwach rěčeć a hinašej, we woběmaj rěčomaj hódnej pomjenowani namakać. Wčera mějachu znajmjeńša hižo jedyn nowy namjet za Jansku, kotryž poćahuje so na něhdyše ležownostne pomjenowanje. Kaž wjesnjanosta Schuster zdźěli, měli pak wjesnjenjo na kóncu měć poslednje słowo.

Na zabawne wašnje wuknyć

Mittwoch, 17. Oktober 2018 geschrieben von:

Budyšin (SN). Po lětnjej přestawce zahaja w Budyšinje spočatk přichodneho mě­saca 14. raz woblubowany slěd přednoškow „Budyska akademija“. Wot nowembra 2018 hač do apryla 2019 poskići město­ Budyšin kóždu prěnju póndźelu měsaca we 18 hodź. w čitarni statneje studijneje akademije na Lubijskej přednoški k jara wotměnjawym temam. Jich wuběr złožuje so zdźěla na přeća ze zašłeho semestra, rěka w nowinskej zdźělence Budyskeho měšćanskeho zarjadnistwa. Něhdźe 70 do 100 „studentow“ poskitk wobstajnje wužiwa. Woni smědźa so tež w 14. semestrje na informatiwne a napjate přednoški wjeselić.

Nazymske wiki sta ludźi přiwabili

Mittwoch, 17. Oktober 2018 geschrieben von:

Rěčicy (FAG/SN). Sta ludźi su minjenu njedźelu Rěčičanski Erlichtec dwór wo­pytali. Přiwabili njejsu jich jeno słónčne wjedro a kładźite domy, ale předewšěm nazymske zahrodowe wiki. Nimale tři­ceći sakskich wikowarjow je tam swoje twory poskićało. Jich paleta sahaše wot najwšelakorišich rostlin přez nazymsku pychu za domjacnosć hač k tójšto družinam jabłukow.

Prěni raz pódla bě Bärbel Wendler z Wósporskeje štomownje ze swojim sado­wym stejnišćom. Tam dyrbjachu kupcy mjez nimale 90 družinami jabłukow, krušwow a kwitow rozsudźić. Wězo sy je najprjedy woptać móhł, tak zo nje­trjebaše nichtó kóčku w měše kupić. Nimo­ toho móžachu ludźo swójske družiny jabłukow postajić dać. Zo bě Wendlerec stejnišćo stajnje derje wopytane, zale­žeše sobu na tym, zo móžachu wopytowarjo hnydom w susodstwje alpakaj z Kinsporskeje hole wobdźiwać. Jörg Fie­dler je so z nimaj hižo wosmy raz na nazymskich wikach wobdźělił.

Rybarski swjedźeń při haće wotměli

Mittwoch, 17. Oktober 2018 geschrieben von:
Přijomny rybarski swjedźeń su sej Sernjančenjo minjenu sobotu při wjesnym haće wuhotowali. Tójšto wjesnjanow kaž tež zajimcow z wokolnych wsow sej při naj­rjeńšim wjedrje tam dóńdźe. Nimo lětnjeho wjedra wabjachu wězo předewšěm kurjena­ ryba kaž tež steaki a pražene kołbaski. Na předań mějachu tohorunja čerstwe­ karpy, liny a pstruhi. Sernjanski młodźinski klub je wšitko organizował a so přez poradźeny swjedźeń a dobru naladu wjeseleše. Wo kurjenu rybu staraštaj so Tomaš Čornak a Carsten Gerlich (wotprawa). Foto: Jana Gerlichec

Hladanski dialog nastork był

Mittwoch, 17. Oktober 2018 geschrieben von:

Budyski wokrjes bě minjenu póndźelu druha stacija tak mjenowaneho hladanskeho dialoga Sakskeje. Zarjadowanje přewjeduje ministerstwo we wšěch 13 wokrjesach w Sakskej. Na městnje pyta přisłušne ministerstwo za socialne a škit přetrjebarjow rozmołwu z ludźi­mi. Na zarjadowanju w Smochćicach je so statna sekretarka za strowotnistwo Regina Kraushaar wobdźěliła.

Budyšin/Smochćicy (SN/at). Wjesnjanosća, w hladanju dźěłacy, komunalni politikarjo a dalši potrjecheni, jich je něhdźe połsta wosobow, běchu póndźelu do Smochćic přijěli. Jich wid na tule wažnu towaršnostnu temu zastupjerjow ministerstwa wosebje zajimowaše. „Chcemy předewšěm připosłuchać, wšako móžemy jeno zhromadnje wujasnić, što a štó je za dobre hladanje trjeba“, rjekny statna sekretarka Regina Kraushaar. Zwěsćić chcychu, hdźe klaca, a zhonić, kotre dobre ideje su wobdźěleni w regionje nastupajo hladanje hižo wuwili.

Krótkopowěsće (17.10.18)

Mittwoch, 17. Oktober 2018 geschrieben von:

Tež Žitawa so předstajiła

Berlin. Kotre město budźe 2025 europska kulturna stolica? Wčera su wurisanje po cyłym Zwjazku wo požadany titl z informaciskim dnjom w Berlinje startowali. Tam su so hižo wosmjo kandidaća předstajili: Kamjenica, Drježdźany a Žitawa ze Sakskeje kaž tež Gera, Hannover, Hildesheim, Magdeburg a Nürnberg. Hač do 30. septembra 2019 móža so zajimowane komuny požadać.

Hotuja so na róčnicu wosady

Radwor. 750. róčnicu swojeho wob­sta­ća chce katolska wosada w Radworju w lěće 2020 woswjećić. Tole je wjesnja­nosta Wincenc Baberška (CDU) na wčera­wšim posedźenju tamnišeje gmejnskeje rady připowědźił. Wšitke towarstwa su přeprošene, so na přihotach wobdźělić, zo móhli zamołwići planować započeć. Přichodny čas su prěnje zetkanja planowane, zo bychu sej ćežišća róčnicy dorěčeli.

Wo přichodźe rewěra rěčeć

Policija (17.10.18)

Mittwoch, 17. Oktober 2018 geschrieben von:

Nawijej pokradnyć chcył

Budyšin. Sobudźěłaćer wobchoda na Budyskich Žitnych wikach je so zawčerawšim paduchej do puća stupił, jako tón wobchod wopušći. 26lětny chcyše nawijej w hódnoće 460 eurow pokradnyć. Na­stro­jej bě wón w tobole schował, kotraž bě tak preparowana, zo njeby detektor při durjach alarm zahibała.

Radźićeljo so zetkaja

Mittwoch, 17. Oktober 2018 geschrieben von:

Róžant. Wutworić přidatne žłobikowe městna w Smjerdźacej budźe jedna z temow přichodneho posedźenja gmejnskeje rady Ralbicy-Róžant jutře, štwórtk, we 18.30 hodź. w Róžeńčanskej sydarni. Nimo toho budźe rěč wo nowym hašenskim jězdźidle za Konječansko-Šunowsku wohnjowu woboru a wo kreditowym zrěčenju.

Wotrow. Tohorunja jutře, ale w 19 hodź. zetkaja so čłonojo gmejnskeje rady Pančicy-Kukow, tónraz na Wotrowskej starej šuli. Na jich dnjowym porjedźe steji mjez druhim třeći wotrězk ponowjenja Šule Ćišinskeho. Dale chcedźa wobzam­knyć, postawu swj. Bosćana w Swinjarni restawrować dać. Wobě posedźeni stej zjawnej, a wobydlerjo su přeprošeni.

Na slědach ptačkow

Rakecy. Přirodowědnu ekskursiju na slědach ćahatych ptačkow podłu hatow pola­ Kačeje Korčmy blisko Rakec přewjedźe Kamjenski Muzej zapadneje Łužicy njedźelu, 21. oktobra, wot 8 do 11 hodź. Wobdźělnicy wobkedźbuja tam sta kačkow a husow, kotrež na swojim nazymskim ćahanju přestawku zapołoža. Wobdźělenje płaći pjeć eurow. Při přizjewjenju pod telefonowym čisłom 0 35 78/ 7 88 30 zajimcy zhonja, hdźe so ekskur­sija započnje.

Wjesne puće dóstanu mjena

Dienstag, 16. Oktober 2018 geschrieben von:

Dobrošicy (aha/SN). Hižo před třomi lěta­mi bě Njeswačanska gmejnska rada wobzamknyła, zo dyrbja puće we wšěch wjesnych dźělach gmejny pomjenowane a statoki z wotpowědnym domjacym čisłom­ wuhotowane być. Trjeba bě to toho­dla, zo bychu nuzowa słužba, li­stonoš a docyła wšitcy podatu adresu spěšnje­ namakali. Wobydlerjow Dobrošic tehdy narěčachu, zo měli woni wo pomjenowanju swojich wjesnych pućow rozmyslować.

W Klětnjanskim zawodźe Dietmara Bergmanna je minjenu sobotu něhdźe 2 500 wopytowarjow dožiwiło, kelko prócy je za wułóje­nje rybow z Maksimilianoweho hata trěbne. Na 27. rybarskim swjedźenju wućahnychu z dwaj hektaraj wulkeho hata poł­dra tony karpow, linow a šćukow. Někotre eksemplary běchu hač do dweju metrow wulke, kaž tónle sum (Wels), kotrehož­ ­Dietmar Schuster jako jedyn z pomocnikow dźerži. Foto: Joachim Rjela

Anzeige