„Pozitiwny wothłós“ a „sprawne wjeselo“
Wotrow (SN/bn). Pod hesłom „Merles mystische Abenteuer“ je awtorka Stefanie Domašcyna dotal dwaj romanaj wudała (SN rozprawjachu). Wobě wotbłyšćujetej fiktiwne dyrdomdeje młodeje holcy, kotraž zhromadnje z přećelemi najwšelakoriše wužadowanja zmištruje. Serbska resp. łužiska mytologija twori w tym zwisku takrjec rjap jednanja. Minjeny pjatk je spisowaćelka swojej knize w něhdyšej Wotrowskej šuli předstajiła, přečitawši wurězki z prěnjeho zwjazka „Die Krone des Schlangenkönigs“.
Wothłós publikuma – přichwatało je něhdźe 50 zajimcow – bě po słowach Domašcyneje „přewšo pozitiwny. Mějach zaćišć, zo su so ludźo sprawnje nad tym wjeselili, zo sym tu była a knize předstajiła, kotrejž sym na zakładźe serbskich powěsćow napisała“ a kotrejž matej nastupajo jednanje geografisce „jasne regionalne ćežišćo“.
Wjesnjenjo zhromadnje pućowali
Policija (10.01.24)
Awto pokradnjene a namakane
Pančicy-Kukow. Sobudźěłaćer twarskeje firmy dyrbješe dźensa rano w Pančicach-Kukowje zwěsćić, zo bě něchtó jeho zamknjeny firmowy transporter pokradnył. W 4.50 hodź. zahajene pytanje za Citroënom Jumperom bě hižo po ani połdra hodźinje wuspěšne. W 6.10 hodź. wuhladachu policisća transporter w Mužakowje. Paduchej bě so bohužel poradźiło twochnyć.
Wo planowanju ćopłoty
Budyšin. Pod hesłom „Zhromadnje za na přichod wusměrjene ćopłotne planowanje“ přewjedźe Budyski měšćanski zwjazk CDU swoje prěnje lětuše zjawne stajne blido. Zarjadowanje wotměje so štwórtk, 11. januara, w 19 hodź. w Budyskej piwarni na Mannowej. Měšćanosta za twarstwo a měšćanske wuwiće Heiko Nowak chce wobdźělnikow wo aktualnym stawje ćopłotneho planowanja informować. Po tym budźe rozmołwa.
Tři skupiny hraja hardcore
Budyšin. Kapały Street Hammer, Sick Times a Slapface zahudźa sobotu, 13. januara, w Budyskim Kamjentnym domje hardcore a punk. Zastup je wot 19.30 hodź., koncert započnje so w 20.30 hodź. Lisćiki za 13 eurow w předpředani dóstanu zajimcy pod .
Ludźo wěže dla přesłapjeni
Šćeńca (AK/SN). Wěža za sušenje hadźicow dobrowólneje wohnjoweje wobory w Šćeńcy we Łazowskej gmejnje je wottorhana. Kak su w tym zwisku z wjesnej radu a wobydlerjemi wobchadźeli, stara so tuchwilu wo wulke přesłapjenje. Tole podšmórny wobydler Rico Bartuschk na zašłym posedźenju Łazowskeje gmejnskeje rady. „Bychmy sej wotewrjenu rozmołwu přeli. Ale to so stało njeje“, wón rjekny.
Ekumenisce na spočatku lěta
Hodownička Budyskich wosadnych z kulturnym programom
Budyšin (CRM/SN). Swoje kóždolětne hodowne popołdnjo zarjadowachu Serbja Budyskeje katolskeje tachantskeje wosady swj. Pětra tež w nowym lěće 2024. Kaž hižo zdawna z dobrej tradiciju, přeprosychu sej na hodowničku na žurlu biskopa Bena z ewangelskimi wěriwymi zaso tež lubych hosći.
Hižo ekumeniski nyšpor w Cyrkwi našeje lubeje Knjenje běše derje wopytany. Hnujace běše mócne zhromadne spěwanje kěrlušow, wuwzatych z katolskeho Wosadnika kaž tež ze Spěwarskich za ewangelskich Serbow, kiž tachantski kantor Kamil M. Kulawik na pišćelach přewodźeše, runje tak kaž modlenje z tachantskim fararjom Witom Sćapanom a superintendentom Krystofom Rummelom.
Ponowjene pišćele zaso klinča
Chwaćicy (ES/SN). We wobłuku swjedźenskeje Božeje słužby su minjenu sobotu w Chwačanskej cyrkwi Dobreho pastyrja pišćele po ponowjenju znowa poswjećili a do słužby stajili. Njeswačanska fararka Susanne Aechtner hódnoćeše wukonjane dźěło pišćeletwarcow Budyskeje firmy Eule. Woni běchu w minjenych měsacach instrument wobšěrnje saněrowali. Při tym su cyły nastroj dospołnje rozebrali, wurjedźili, wšelake wobškodźene abo dodźeržane dźěle wuměnili, wšitko zaso hromadźe twarili a pišćele skónčnje zaso intoněrowali. Zwukowy charakter, kaž wón wot lěta 1985 wobsteješe, su při tym zachowali.
Krótkopowěsće (10.01.24)
Wubědźowanje zahajene
Budyšin. Statne ministerstwo za regionalne wuwiće je lětsa 12. raz wubědźowanje „Naša wjes ma přichod“ wuwołało. Hač do 5. meje móža so wsy z hač do 3 000 wobydlerjow na krajnoradnym zarjedźe ze swojimi idejemi a projektami požadać, kotrež atraktiwitu žiwjenja na wsy přisporjeja. Dobyćerja wočakuje pjenježne myto we wysokosći 10 000 eurow.
Nowy wobydlerski policist
Pančicy-Kukow. We wsach zarjadniskeho zwjazka „Při Klóšterskej wodźe“ maja wot spočatka lěta noweho wobydlerskeho policista. Sernjančan André Kober je zamołwitosć za pjeć serbskich gmejnow přewzał. Wón stara so wo zjawnu wěstotu, wo njezboža kaž tež přeńdźenja přećiwo porjadej a je wobydlerjam, šulam, wobchodam, towarstwam a zawodam z narěčenskim partnerom.
Wróćo do 1970tych lět
Camprowarjo su zaso po puću
„Hollywood“ w měsće jandźelow
Kulowski młodźinski zwjazk „United Clubs for Kulow z.t.“ je składnostnje swojeho 30lětneho wobstaća kónc zašłeho lěta mjeztym sedmy filmowy festiwal „Silvestinale“ zarjadował. Zaměr čłonow kluba běše hollywoodske začuće do Kulowa přenjesć, publikum zahorić a jubilej woswjećić.
