Dalši wosmifinalisća jasni, tež nowačk Islandska

Donnerstag, 23. Juni 2016
Artikel bewerten
(0 Stimmen)
Euforija po wčerawšim dobyću nowačka europskich mišterstwow Islandskeje nad Awstriskej bě mjez fanami a koparjemi přemóžaca. Foto: pa/Hans Rauchensteiner Euforija po wčerawšim dobyću nowačka europskich mišterstwow Islandskeje nad Awstriskej bě mjez fanami a koparjemi přemóžaca. Foto: pa/Hans Rauchensteiner

Lyon. Duel mjez Portugalskej a Madźarskej běše najkuriozniša hra europskich koparskich mišterstwow 2016. Hižo w 9. min. Madźarojo 1:0 nawjedowachu, štož poradźi so Gerje. Ale hišće do połčasa (42.) dósta Nani dobru přihrawku Ronalda a wuruna. Po přestawce zahaji so prawy spektakl. Wólny kop madźarskeho kapitana Dzsudzsáka w 47. min. bu wot portugalskeje murje k 2:1 wotfalšowany. Tři mjeńšiny po tym poradźichu so portugalskemu superstarej najkrasniše wrota předkoła. Ronaldo kopny bul z pjatu do dołheho kuta k 2:2. Dalše pjeć mjeńšin pozdźišo trjechi Dzsudzsák 3:2 za Madźarow. Znowa bě třělwa hinaši směr dóstała a bě nje­dźeržomna. Njetraješe dołho a Ronaldo po dobrej flance Quaresmana z hłowu ke kónčnemu 3:3 (62.) přetwori.

Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Neuheiten LND