Schrift vergrößern
Wochožanska Domowinska skupina móžeše minjenu sobotu na 70lětne wobstaće zhladować. Swjedźeń na farskej łuce bě dopokaz, zo je skupina tež dźensa w Hamorskej gmejnje jako cyłk připóznata a zo sej mnozy jeje skutkowanje wulce waža. Hižo štyri lětdźesatki Inga Nowakowa dźensa 20 čłonow wopřijacy cyłk nawjeduje. Přeco bě jej runje tak kaž dźensa hibićiwe skupinske předsydstwo poboku.
Předsydka Wochožanskeje Domowinskeje skupiny Inga Nowakowa (nalěwo) móžeše minjenu sobotu mnohe zbožopřeća k 70lětnemu wobstaću cyłka přijimać. Mjez gratulantami běchu předsydka Trjebinskeje Domowinskeje skupiny Angelika Balcyna, regionalna rěčnica župy „Jakub Lorenc-Zalěski“ Diana Maticowa, wjesnjanka Marietta Mattitzowa, Klětnjanski farar Daniel Jordanow, předsyda Domowiny Dawid Statnik kaž tež Hamorski wjesnjanosta Achim Junker (wotlěwa). Foto: Měrćin Weclich
95lětny Maks Laduš je Domowinsku skupinu we Wochozach sobu załožił.
