Krabat, wino a hospodarske styki

Donnerstag, 01. Juni 2017
Artikel bewerten
(0 Stimmen)
Wosebita chłóšćenka za mnohich čłonow Krabatoweho towarstwa bě, zo móžachu w chorwatskej stolicy Zagrebje dožiwić čestnu paradu regimenta Cravat před tamnišej cyrkwju swjateho Marka. Jan Kral Wosebita chłóšćenka za mnohich čłonow Krabatoweho towarstwa bě, zo móžachu w chorwatskej stolicy Zagrebje dožiwić čestnu paradu regimenta Cravat před tamnišej cyrkwju swjateho Marka. Jan Kral

To bě wosebitosć lětušeho Krabatoweho swjedźenja: Wón měješe dać rozsudne impulsy, zo přećeljo Krabata we Łužicy kaž tež w Słowjenskej a Chorwatskej, w krajinje Žumberak zaměry swojeje dźěławosće zasadnje wusměrja.

Swjedźeń Vinska Vigred (Winowe nalěćo) w słowjenskim městačku Metlika, na mjezy ke Chorwatskej, bě za to prawa składnosć.

Wobě Krabatowej towarstwje hižo wjacore lěta přećelske styki wudźeržujetej. Zaměr jeju prócowanjow je, regionalne wosebitosće na kulturno-turistiskim, ale tež na hospodarskim polu zaměrnišo zwužitkować na dobro wotpowědneho regiona. Krabat ma při tym zwjazowacy a wodźacy element być. Ze zhromadnym wusměrjenjom maja so regionalne kołoběhi wutworić, skrućić a tak wukmanić, zo skutkuja jako magnet za zajimcow z kraja partnera, ale tež za zajimcow z cyłeho swěta. Zajimy regionow njesměli tuž na hranicy kraja zakónčene być, ale mjezy přesahujo skutkować.

Rjemjesło a přemysło přećelam zbližić

Veröffentlicht in Towarstwa

Galerie

dalši wobraz (1) Spokojom běchu na swjedźenju w słowjenskej Metlice Karsten Ringpfeil, Tomaš Čornak a předsyda Krabatoweho towarstwa Reiner Deutschmann (wotlěwa).
dalši wobraz (2) Uniforma uskokskeho wojaka z našijnym rubiškom w Zagrebskim muzeju
Bitte anmelden, um einen Kommentar zu posten

Serbska debata

Neuheiten LND