Budyšin (SH/SN). Zhromadnosć z Krabatowym młynom w Čornym Chołcu je spomóžna, a šulerjam běše to zajimawy poskitk, kotryž měli klětu wospjetować. Takle wuhódnoćichu čłonojo předsydstwa župy „Jan Arnošt Smoler“ na swojim wčerawšim posedźenju w Budyskim Serbskim domje njedawny poradźeny projektny dźeń za šulerjow 4. lětnika, kotřiž na teritoriju župy serbšćinu wuknu. Za klětu chcedźa nětko hižo termin wučinić. Wšako ma tón w šulach sčasom znaty być, zo móhło so potom wjace kubłanišćow wobdźělić.