Zastupjerjo LEAG a Domowiny dźěłowu rozmołwu přewjedli
Dešno (SN/at). Łužiska energija hórnistwo a milinarnje (LEAG) wuznawa so dale k swojej zamołwitosći za serbsku ludnosć we Łužicy. To wuchadźa ze zhromadneje nowinskeje zdźělenki předewzaća a Domowiny. Wobě stronje stej wčera w Dešnjanskim domizniskim muzeju lětnu dźěłowu rozmołwu přewjedłoj. Prěni raz lěta 2007 wot třěšneho zwjazka serbskich towarstwow a župow a wot předchadnika LEAG, Vattenfalla, podpisane kooperaciske dojednanje wostanje tež klětu zakład zhromadneho dźěła partnerow, kaž wčera rěkaše.