Wjac młodych ludźi docpěć

Dienstag, 21. November 2017
Artikel bewerten
(0 Stimmen)
Předsyda Domowiny Dawid Statnik a župan župy Delnja Łužica Wylem Janhoefer (wotpr.) staj na posedźenju zwjazkoweho předsydstwa we Wojerecach aktualizowane kooperaciske zrěčenje mjez župu a třěšnym zwjazkom podpisałoj.  Foto: Martina Arlt Předsyda Domowiny Dawid Statnik a župan župy Delnja Łužica Wylem Janhoefer (wotpr.) staj na posedźenju zwjazkoweho předsydstwa we Wojerecach aktualizowane kooperaciske zrěčenje mjez župu a třěšnym zwjazkom podpisałoj. Foto: Martina Arlt

Domowina kooperaciske zrěčenje ze župu Delnja Łužica podpisała

Wojerecy (SN/JaW). Jenož kóždy dźesaty je zwólniwy podpisać wobydlersku inici­atiwu Federalistiskeje unije europskich narodnych mjeńšin (FUEN) Minority Safe­Pack (MSPI) a tak skrućenje mjeńšinowych prawow na europskej runinje podpěrać. To zwěsći předsyda Domowiny Dawid Statnik na zašłym posedźenju zwjazkoweho předsydstwa we Wojerecach. Tohodla chcył wšitkim serbskim towarstwam hišće raz namołwu wo podpěru napisać.

Swoje přesłapjenje nad dotal zezběranymi podpismami zwurazni Jan Bělk. „Kóždy hospodar by rjekł, zo to njefunguje.“ Bělk přizna, zo tuchwilu tež wupuć nima, přiwšěm pak „dyrbimy po hinašich pućach kročić. Mamy akciju bóle w digitalnych medijach šěrić, zo bychmy wjac młodych ludźi docpěli.“ Kito Ela přihłosowaše­ a wuzběhny, kak lochko je iniciatiwu w interneće podpisać.

Veröffentlicht in Towarstwa
Bitte anmelden, um einen Kommentar zu posten

Anzeige