Nan třoch synow bjez „hólca“ był

Donnerstag, 03. Januar 2019
Artikel bewerten
(0 Stimmen)
Kóždolětny škotowy turněr su minjeny pjatk w Nowowješćanskim towarstwowym domje přewjedli.  Foto: Alfons Handrik Kóždolětny škotowy turněr su minjeny pjatk w Nowowješćanskim towarstwowym domje přewjedli. Foto: Alfons Handrik

Nowa Wjeska (aha/SN). Posledni pjatk stareho lěta witaše předsyda Nowowješćanskeho towarstwa Wjesna zhromadnosć Křesćan Korjeńk w tamnišim towarstwowym domje něhdźe dwaceći škotarjow ze wsy a wokoliny na tradi­cionalne zhromadne kartyplacanje. Mjez nimi běchu wjacori młodostni, kotřiž ze za­jimom zhonichu, zo přewjeduje so rjana tradicija wotsrjedź 1980tych lět. Tehdy zrodźichu někotři Nowowješćenjo w Čórlichec wjesnym hosćencu ideju, přewjesć škotowy turněr. Dojednachu so na stajny termin mjez hodami a Nowym lětom. Pola Čórlichec pak bě to jenož něko­tre lěta móžno, dokelž bu hosćenc zawrjeny. Tohodla škotowachu pozdźišo we Worklečanskim hosćencu a samo w priwatnych rumnosćach. Po politiskim přewróće wužiwachu Nowowješćansku baraku, w kotrejž mějachu młodostni swój domicil. Bjez přetorhnjenja su z tradiciju w nowona­twarjenym towarstwowym domje pokročowali.

Veröffentlicht in Towarstwa
Bitte anmelden, um einen Kommentar zu posten

Neuheiten LND