Marju Grólmusec dostojnje wopominali

Radwor (SN/at). Wid na wosobinu Marje Grólmusec, přewšo za politiku zajimowaceje so katolskeje křesćanki, steješe w srjedźišću wopominanja 75. róčnicy jeje­ smjerće 6. awgusta 1944 w žónskim kaceće Ravensbrück. Na iniciatiwu Dany Dubil, jednaćelki regiona wuchodneje Sakskeje Němskeho zwjazka dźěłarnistwow (DGB) su DGB, gmejna Radwor, Maćica Serbska, Domowina, město Budyšin, Serbski institut, Budyska žónska iniciatiwa a Budyska SPD wčerawšej zarjadowani w Radworju kaž tež dalše za 22. awgust w Serbskim muzeju přihotowali.