Lětuši rjad zarjadowanjow skónčeny

Mittwoch, 13. November 2019
Artikel bewerten
(0 Stimmen)
Na Rownjanskim Njepilic statoku knježi nětko tróšku wjace měra. Wšako su z přazu lětušu wuspěšnu sezonu zjawnych zarjadowanjow zakónčili.  Foto: Jost Schmidtchen Na Rownjanskim Njepilic statoku knježi nětko tróšku wjace měra. Wšako su z přazu lětušu wuspěšnu sezonu zjawnych zarjadowanjow zakónčili. Foto: Jost Schmidtchen

Rowno (JoS/SN). Z přazu su minjenu sobotu w Rownom lětušu sezonu zjawnych zarjadowanjow na tamnišim Njepilic statoku­ zakónčili. Dokelž bě chětro mokre a chłódne wjedro, wostachu čłonojo Rownjanskeho towarstwa Njelipic dwór mjenje abo bóle mjez sobu. Wšako je mjeztym tež po wjedrje nazyma. Kołwróty pak so přiwšěm pospochi wjerćachu. Přaza dźě je z tradiciju, wšojedne što so wonka póćmje stawa.

Štyri kołwróty so lětsa wjerćachu; dalšej – kompletnje zasadźomnej – móžachu sej zajimcy dokładnje wobhladać. Wšitke słušeja towarstwu Njepilic dwór. Znowa natwarili a sporjedźeli su je na iniciatiwu čłona towarstwa Manfreda Richtera z pomocu Helmuta Kurja z Blunja. Tak móža předźěłanje lenu dźensa zaso pokazować: Na kołwrótach nitki přadu a je na historiskich krosnach na płat tkaja. Krosna sobu sporjedźał je tohorunja Helmut Kurjo ze swojej fachowej wědu.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND