Smjerdźečanske swójbne a kubłanske srjedźišćo LIPA je w lěće 2019 znowa zajimcam dało w zešiwku přehlad swojich poskitkow, rjadowany do štyrjoch tematiskich wobłukow. Runje tak informowaše srjedźišćo w interneće.
Smjerdźaca (aha/SN). W poziciji „rěče a tradicije“ mějachu 14 kursow, wosom zapřijachu do „swójbneho kubłanja“. Wažne běchu dalekubłanske móžnosće za kubłarki a kubłarjow, dźěłacych w pěstowarnjach w njeserbskim nošerstwje.
