Zasadźe dźěła Domowinskeje župy „Jakub Lorenc-Zalěski“ so wudaniłoj

Slepo (SN/at). Za Domowinsku župu „Jakub Lorenc-Zalěski“ njeje minjene lěto koronapandemije dla žane „zhubjene lěto“ było. Kaž župan Manfred Hermaš našemu wječornikej rjekny, su „wšelake wěcy lěpje přihotować móhli. Njeběchmy tak jara z někajkimi kampanjemi zaběrani. Tuž smy čas wužiwali, zo bychmy nowe ideje za projekty zběrali.“ Dale su wobstejace partnerske styki pohłubšili a nowe nawjazali.