Dotalne dźěło so wudaniło Empfehlung

Donnerstag, 25. Februar 2021
Artikel bewerten
(0 Stimmen)

W Budyskej župje změja lětsa dalšeho motiwatora za serbsku rěč

Budyšin (SN/at). Třeća stacija rozjimanja lońšeje Domowinskeje dźěławosće pod wuměnjenjemi koronapandemije je Budyska župa „Jan Arnošt Smoler“. Tam tuchwilu žanu županku/žanoho župana ­nimaja. Dźěło předsydstwa koordinowaca trójka wobsteji z Hilže Mehroweje, Jany Pětroweje a Leńki Thomasoweje.

Mjenowane tři žony pokazuja na aktiwity wot junija do septembra 2020. Tónle čas su za skupinske dźěło wužiwali. Zhromadny wulět je krute zarjadowanje w župnym planje. „Wobdźělenje bě dosć dobre, a wšitkim wulětnikarjam je so jara lubiło“, Leńka Thomasowa powěda. Wšitke župne předewzaća lěta 2020 pak njedachu so zwoprawdźić. „Bohužel dyrbjachmy w juliju dźeń wotewrjenych duri w Domje Měrćina Nowaka-Njechorńskeho předpisow korony dla wupadnyć dać.“ Tež nazymskim koncertam, wosebje tomu hakle 2019 w Malešecach wo­zrodźenemu, je korona zadźěwała.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND