Hłowna a wólbna zhromadźizna Domowiny budźe w Slepom

Budyšin (SN/JaW). 20. hłowna zhromadźizna Domowiny wotměje so w sportowni Němsko-serbskeho šulskeho centruma w Slepom. To je Zwjazkowe předsydstwo Domowiny na swojim wura­dźowanju minjeny pjatk wobzamknyło. Při tym bě dźesać čłonow gremija na žurli Budyskeho Serbskeho domu přitomnych, dalši dwanaćo su so internetnje na zhromadźiznje wobdźělili. Tak je po terminje – 12. junija – nětko tež městnosć hłowneje zhromadźizny jasna, kotraž je zdobom wólbna.