Prěnjej dypkaj za Sokoł Budyšin

Montag, 19. Dezember 2022
Artikel bewerten
(0 Stimmen)
Sokołaj Tomaš Suchy (druhi wotlěwa, Budyšin) a Florian Kaulfürst (srjedźa, Budyšin) spytataj zhromadnje nadběh Wósporkčanow wotwobarać.  Foto: Jörg Stephan Sokołaj Tomaš Suchy (druhi wotlěwa, Budyšin) a Florian Kaulfürst (srjedźa, Budyšin) spytataj zhromadnje nadběh Wósporkčanow wotwobarać. Foto: Jörg Stephan

Wolejbulowe mustwo Sokoła Budyšin měješe spočatk a srjedź hodownika swój druhi respektiwnje třeći hrajny dźeń we wokrjesnej klasy, stafla wuchod. W njesměrnje harowatej a zymnej hali w Słónkecach běštej towarstwje z Hnašec-Dobruše a Schönbacha přećiwnikaj. Prěnju hru doby domjace mustwo z Hnašec přećiwo Schönbachskemu z 2:0. Po tym witachu hosćićeljo Sokołow na hrajnišćo. W prěnjej sadźbje mějachu hrajerjo z města hišće z halowymi wuměnjenjemi činić, hrajachu njekoncentrowani a zwrěšćichu přeco zaso z nadaćemi. Sadźba skónči so z 25:16. Druhi přechod bě lěpši, tak zo měješe serbske mustwo dołho nadźiju na dobyće. Ale na kóncu tež tu njekoncentrowanosće, na přikład w bloku, napřećo wuspěchej dźěłachu. Sadźba skónči so z 25:21 za Hnašecy-Dobrušu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND