Schrift vergrößern
Mjez běharjemi bě tež serbska pjatka Roman Měrćink (čo. 2032), Sofija (čo. 1177) z nanom Silviom Dreßlerom (čo. 1178, wonaj běžeštaj sčasami samo synchronje), Daniel Čórlich (čo. 1118) a Handrij Bejmak (čo. 2083). Jörg Stephan
Budyski silwesterski běh 2022 měješe nimale zaso ličbu wobdźělnikow kaž w lěće 2017. Tehdom bě so 325 běharkow a běharjow na nim wobdźěliło, loni, potajkim 2022, cyłkownje 307. Bjerješ-li statistiku zašłych lět jako zakład, by ličba wjetša być móhła. Zamołwići sportoweho towarstwa Čerwjeno-běli 90 Budyšin pak běchu přiwšěm jara spokojom. Tež w lěće 2022 běštej start a cil zaso w stadionje Młynkec łuka.
Wjace hač 300 ludźi je so na poslednim dnju lěta 2022 na třoch silwesterskich běhach w Budyšinje wobdźěliło. Loni bě jich jenož 86 a před dwěmaj lětomaj woblubowany běh docyła přewjesć njesmědźachu.
