Nadpad na hosći w Běłej Wodźe

Mittwoch, 11. Januar 2023
Artikel bewerten
(0 Stimmen)

Bohužel nasta w běhu hry přećiwo Selbskim wjelkam pjatk w lodowej arenje negatiwny podawk mjez přihladowarjemi. Zawinowar tutoho rozestajenja bu spěšnje zwěsćeny a z lodoweje areny wupokazany. Ze stron Běłowodźanow bu wón ze stadionowym zakazom pochłostany. K tomu bu přez škodowanu wosobu wozjewjenje delikta zapodaty. Dale dóńdźe po hrě zwonka lodoweje areny k rozestajenjam. Zawołana policija zakónči tute, na kotrejž běchu čornje zdrasćene a zdźěla zakuklene wosoby a fanojo Selbskich wjelkow wobdźělene. Fanojo hosći, kotřiž pobychu na puću k swojemu busej, buchu po informacijach policije wot něhdźe 15 wosobow nadpadnjeni. Łužiske liški zasudźeja tajke wašnje jednanja a distancuja so wot tajkich pozdatnych fanow. Namóc nima w a wokoło stadijow ničo pytać a skućićeljo so wotpowědnje pochłostaja. We wuhódnoćenju tutych podawkow su Łužiske liški a policija w stajnym kontakće. Při tutej składnosći chcedźa zamołwići zjednoćenstwa hišće raz na to skedźbnić, zo Łužiske liški tajke akcije njeakceptuja.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND