Chaos a njedokónčene wólby

Budyšin (SN/at). Zwjazkowe předsydstwo Domowiny je na wurjadnym posedźenju minjeny pjatk w Budyšinje štyrjoch serbskich čłonow rady Załožby za serbski lud – Marka Kowarja, Marlis Młynkowu, dr. Susanne Hozynu a Daniela Nuka – a třoch zastupjerjow – Franka Knoblocha, Michaelu Hirtowu a Davida Klimana – za wólbnu dobu 2023–2027 wu­zwoliło. Městno štwórteho zastupjerja nachwilnje njewobsadźene wostanje. Čłonojo zwjazkoweho předsydstwa njejsu so dojednać móhli, kak ma so w konkretnym padźe z trěbnej „jednorej wjetšinu“ hłosow wobchadźeć, kotraž je za wuzwolenje trěbna.