Załožba a Domowina „na najlěpšim puću“ k praktiskemu rozrisanju
Chrósćicy (SN/mb). Předsydstwo župy „Michał Hórnik“ Kamjenc sej wot Załožby za serbski lud přewjedowanje nazymskich koncertow žada. Kaž regionalna rěčnica Katharina Jurkowa po wčerawšim posedźenju informowaše, stej Domowinskej skupinje Pančicy-Kukow a Njebjelčicy jasnje zajim signalizowałoj. Kaž je hłowna jednaćelka Domowiny, Judit Šołćina, Serbskim Nowinam dźensa wobkrućiła, předleži tuchwilu ze wšěch župow wšo dohromady dźesać namjetow za lětuše zarjadowanja w ramiku „nazymskich koncertow“, kotrež bychu so pak zdźěla tež zwonka nazymy wotměć móhli.