Berlin (dpa/SN). Němska je Ukrainje přilubjeny wojerski system Patriot k wotwobaranju ruskich nalětow přepodała, zwjazkowe knježerstwo zdźěla. Po informacijach powěsćernje dpa běchu wot USA a Němskeje wukubłane ukrainske mustwa naposledk ze zhromadnym zwučowanjom dopokazali, kak derje system wobknježa. Patriot je sobu najmoderniši lětadła wotwobaracy system swěta. Radius škitneho systema saha hač do sto kilometrow daloko.
Pytaja dale za skućićelom
Duisburg (dpa/SN). Po nadpadźe na Duisburgski fitnesowy studijo policija z toho wuchadźa, zo jedna so wo jednotliweho skućićela. Wopisowanje wosoby chcedźa bórze wozjewić. Motiwy nadpadnika njejsu dotal znate. Jedyn z woporow je hišće w smjertnym straše, třoch ludźi su z nuzy operowali, statne rěčnistwo zdźěla. Policija dale za skućićelom pyta, kiž je wčera w studiju prawdźepodobnje wulki nóž abo mječ wužiwał.
Pruwowanja přestorčene
