SJ Großnaundorf –

Sokoł Ralbicy/Hórki 1:2 (1:0)

Zestawa hosći: Ch. Gloxyn – M. Matka, A. Wałda, Schultz, Kř. Matka, D. Gloxyn, Rachela, Korjeńk, Nuk (11. Šołta / 65. F. Bejma), Domaška, Bejmak

To běše prawy spektakl w Großnaundorfje. Dokelž so wobě mustwje před měsacomaj dojednaštej, nic na póstniskim kóncu tydźenju hrać, nachwatachu dypkowu partiju minjeny pjatk wječor. To přiwabi wjac hač 300 přihladowarjow do stadiona wosrjedź lěsa a tak běše nalada hižo do hry wulkotna. Domjacy fanojo běchu wulki protestny plakat přihotowali, na kotrymž so přez přehnatu pokutu wužiwaneje pyrotechniki dla pola Zapadołužiskeho koparskeho zwjazka hóršachu.