Diskusijny zakład za dobywanje dorosta za serbske institucije předleži

Budyšin (SN/at). Dobywanje dorosta za serbske institucije wopokaza so dźeń a bóle jako wobćežna naležnosć. Tohodla bě so wuběrk za nutřkownu demokratiju a serbsku ciwilnu towaršnosć zwjazkoweho předsydstwa Domowiny z tematiku rozestajał a při tym wuběrk za zjawnostne a wukrajne dźěło zapřijał. Wuslědk zhromadnych rozmyslowanjow je Marko Hančik, městopředsyda Domowiny kaž tež wuběrka za nutřkownu demokratiju a serbsku ciwilnu towaršnosć, na posedźenju zwjazkoweho předsydstwa minjeny pjatk předstajił.