Boston (dpa/SN). Móžne znamjenja žiwjenja ze zhubjeneho podnurjaka „Titan“ zbudźa nadźiju na wuchowanje pjeć ludźi wopřijaceje wobsadki w Atlantiku. Kanadiske lětadło bě klepace zwuki pod wodu registrowało. Titan bě po puću k lěta 1912 podnurjenej łódźi „Titanic“ a je wot njedźele zhubjeny. Fachowcy warnuja před optimizmom. Wuchowanje žada sej wobšěrne techniske přihoty a wjele časa, kotryž pak ludźo w małym podmórskim jězdźidle wjace nimaja.

Hamburg dale najlěpši

Berlin (dpa/SN). Hamburg je swoju wodźacu poziciju nastupajo digitalizaciju porno druhim zwjazkowym krajam zakitował. Tole wuchadźa z najnowšeho němskeho indeksa digitalizowanja, kotryž je Fraunhoferski institut zestajał. Analyzowali běchu wěstosć mobilnoškričkoweje syće, móžnosće wužiwanja interneta přez ludźi a staw digitalizowanja zarjadow. Na druhim a třećim městnje sćěhujetej Berlin a Bremen. Poslednje městno zaběra Saksko-Anhaltska.

Starosća so AfD dla