Mnichow (dpa/SN). Zwjazkoweho kanclera Olafa Scholza (SPD) wočakuja dźensa, wutoru, na oficialnym wotewrjenju awtowych a wobchadnych wikow IAA Mobility. Tež hdyž bě sebi wón při joggowanju mjezwočo wobodrěł, njeje termin wotprajił. Zastupjerjo awtomobilneje branše wočakuja sebi wot wopyta dalše wuprajenja Scholza nastupajo industrijneje miliny, kotraž by branšu wězo masiwnje wolóžiła. Tež podlěšenje premije za kup e-awtow by Němskej, po wuprajenju branše, pomhało wobswětowe cile knježerstwa docpěć.