Župa „Michał Hórnik“ hłownu a wólbnu zhromadźiznu přewjedła

Chrósćicy (SN/mb). W předsydstwje župy „Michał Hórnik“ dźěła tež zaso zastupjer z Delan sobu: Na wčerawšej hłownej a wólbnej zhromadźiznje je so Markus Šołta z Ralbic zwólniwy wuprajił kandidować. Hnydom wjacore towarstwa su kandidaturu podpěrali a 51 delegatow je jeho jednohłósnje woliło. Tež dotalna županka Diana Wowčerjowa so wjeseleše, zo je w tajnym wothłosowanju stoprocentne přihłosowanje dóstała. Nimo njeju słušeja do župneho předsydstwa w nowej wólbnej periodźe Katharina Jurkowa, Jana Hiccyna, Claudia Kilankec, Zala Cyžowa, Jadwiga Kubašowa, Alfons Korjeńk, Marlis Młynkowa, Marhata Deleńkowa, Hańžka Deleńkowa a Kathrin Młynkowa.