Berlin (dpa/SN). Zwjazkowy minister za hospodarstwo Robert Habeck (Zeleni) je před tym warnował, kompromis wodźacych zastupnikow koalicije nastupajo lutowanski paket wupowědźić. Wicekancler dopominaše amplowu koaliciju na jeje zamołwitosć. Habeck rjekny powěsćerni dpa: „Hdyž nětko jednotliwe hrjady wućehnjemy, bjeztoho zo nowe zasadźimy, so cyły twar sypnje.“ Změny na jednej stronje žadaja sej pjenježne wurunanje na tamnej, minister rjekny.

Chorobny lisćik telefonisce

Berlin (dpa/SN). Starši móža lěkarske wobkrućenje, zo dyrbja chore dźěćo hladać, wot dźensnišeho tež telefonisce bjez wopyta praksy dóstać. Móžny je tajki atest a z tym zwjazane prawo na chorobny pjenjez, na najwjace pjeć dnjow, zakonske chorobne zawěsćernje po dorěči ze zjednoćenstwom kasowych lěkarjow zdźěleja. Wuměnjenje je, zo lěkar dźěćo wosobinsce znaje a zo maja telefoniski atest za woprawnjeny.

Faeser jedna w Georgiskej