Załožba drje stabilitu w krizy zaruča, nastaja pak so na najhórši pad

Drježdźany/Budyšin (SN/mb). Njesłyšane wěcy ze sakskeho sejma słyšiš: Koalicija CDU/SPD je we wuběrkach wospjet přećiwo swojemu naćiskej etata 2025/2026 hłosowała, po tym zo je opozicija změny přesadźiła. A opozicija dale cyły etat wotpokazuje – BSW, Zeleni a Lěwica, dokelž sej wšo dohromady přidatne miliardy za socialne a ekologiske naležnosće žadaja, a AfD, dokelž CDU z njej njerěči. Jörg Urban a Jan Zwerg, předsyda a parlamentariski jednaćel AfD, staj w zjawnym lisće ministerskemu prezidentej a předsydźe frakcije CDU „dowěrliwe rozmołwy“ poskićiłoj. Zaměr: skrótšenje wudawkow za zarjady, „azylowe a klimowe projekty“ a „kubłanje k demokratiji ze stron lěwicarskich towarstwow“.