Načolnik wokrjesneje koparskeje ligi dale přeswědča
ST Marijina hwězda
– ST 1896 Wulka Dubrawa 6:1 (2:0)
Zestawa domjacych: Matik – Wróbl, Zelnak, Bělk, R. Hawš (57. R. Cyž), Peschmann (63. Pjetaš), Šołta, O. Hawš, Cyž, Eldor (76. Winkler), Pakoßnick
Šěsć hrajnych dnjow do kónca sezony we wokrjesnej koparskej lize, stafli 2 je načolnik přećiwo jědnatemu tabulki hrał. Z wočakowanym a wysoko zasłuženym 6:1 so faworit přesadźi. Dokelž trenar Erwin Kleinmann pobrachowaše, zastupowaše jeho Tobias Škoda. Wón je mustwo jara derje na domjacy nadawk nastajił.
Po něhdźe štwórć hodźinje přewzachu Pančičenjo režiju na hrajnišću. Najprjedy mějachu Dawid Šołta, Ali Eldor a Falko Peschmann (14., 18., 24.) tři šansy, w 25. min. trjechi Jakob Pakoßnick 1:0. Spřihotowałoj běštaj prěnje wrota Křesćan Bělk a Peschmann. Z rjanej akciju přez lěwe křidło zahaji youngster Šołta druhe wrota. Z niskej a wótrej přihrawku do šěsnatki posłuži wón Pakoßnicka, kiž dyrbješe do pasa jenož hišće nohu tyknyć (31.). Hosćo z Wulkeje Dubrawy njeběchu so w prěnim połčasu ani jónu před wrotami Dawida Matika pokazali, dokelž bu kóždy pospyt nadběha wotpopadnjeny.
Wuslědki (15.05.19)
Kopańca, wokrjesna liga, stafla 2
1. ST Marijina hwězda 23 66 : 12 58
2. HZ Łaz/Běły Chołmc 23 66 : 22 51
3. ST Ćisk II 23 41 : 32 41
4. SV Haselbachtal 23 46 : 28 40
5. Traktor Malešecy 21 50 : 25 39
6. HZ Wulke Ždźary 23 33 : 38 34
7. Wojerowski FC II 22 36 : 34 32
8. SJ Njebjelčicy 23 33 : 31 29
9. ST Nadrózna Hrabowka 23 38 : 45 29
10. FSV Łuty 22 37 : 42 27
11. ST Wulka Dubrawa 24 38 : 60 27
12. ST Lubuš 23 28 : 38 26
13. SJ Chrósćicy II 22 29 : 39 21
14. HZ Rakecy II/Šćeńca 24 25 : 58 18
15. ST Mały Wosyk 23 19 : 81 9
wokrjesna klasa, stafla 1
HZ Wjernarjecy II/Wjazońca II
– Mały Wjelkow1:7 (1:3)
Bukecy II – Wjelećin II 0:1 (0:0)
Horni kraj III – ST Budyšin II 2:5 (0:3)
Budissa Budyšink – Minakał 0:2 (0:2)
W. Dubrawa/Radwor II – Bart II wupad
1. Módro-běli Minakał 15 52 : 13 40
2. ST Budyšin II 15 52 : 18 38
3. ST Wjelećin II 15 40 : 27 28
4. Budissa 08 Budyšink 15 23 : 27 22
5. ST Mały Wjelkow 15 49 : 41 20
6. Zeleno-běli Bukecy II 15 27 : 36 18
7. ST Bart II 14 22 : 35 18
8. Horni kraj-Sprjewja III 15 18 : 30 14
9. Wjernarjecy/Wjazońca II 15 17 : 51 10
10. Wulka Dubr./Radwor II 14 19 : 41 4
Wuslědki (14.05.19)
Kopańca, 3. liga
Halleski FC – Braunschweig 1:0 (1:0)
Energija Choćebuz – Aalen 2:1 (1:1)
Hansa Rostock – Uerdingen 1:1 (1:1)
Wehen Wiesbaden – Osnabrück 1:0 (1:0)
Unterhaching – VfL Lotte 3:0 (1:0)
Würzburg – Kaiserslautern 2:0 (1:0)
Meppen – Carl Zeiss Jena 0:1 (0:1)
1860 Mnichow – Fortuna Köln 3:2 (2:2)
Großaspach – Zwickau 5:2 (3:1)
Preußen Münster – Karlsruhe 1:4 (0:2)
1. VfL Osnabrück 37 55 : 27 76
2. Karlsruheski SC 37 62 : 35 71
3. SV Wehen Wiesbaden 37 68 : 45 67
4. Halleski FC 37 44 : 32 63
5. FC Würzburger Kickers 37 54 : 44 54
6. F.C. Hansa Rostock 37 46 : 45 54
7. SC Preußen Münster 37 48 : 48 52
8. FSV Zwickau 37 47 : 47 49
9. 1. FC Kaiserslautern 37 45 : 49 48
10. KFC Uerdingen 05 37 45 : 59 48
11. TSV 1860 Mnichow 37 48 : 48 47
12. SV Meppen 37 46 : 49 47
13. SpVgg Unterhaching 37 49 : 45 45
14. Eintr. Braunschweig 37 47 : 53 44
15. FC Energija Choćebuz 37 50 : 57 44
16. FC Carl Zeiss Jena 37 44 : 57 43
17. Sonnenhof Großaspach 37 36 : 39 42
18. Přećeljo sporta Lotte 37 30 : 44 40
19. SC Fortuna Köln 37 38 : 62 39
20. VfR Aalen 37 44 : 61 30
regionalna liga žonow
RB Lipsk – Rudne horiny Aue 11:1 (4:0)
Lipsk-juh – Biskopičanske KT 4:0 (3:0)
Steglitzski FC – Viktoria Berlin 1:7 (0:4)
Jena II – BSC Marzahn 5:1 (2:0)
Fort. Drježdźany – Union Berlin 0:6 (0:4)
Magdeburg – Hohen Neuendorf 3:1 (2:0)
wokrjesna wyša liga
Rakecy – Wojerecy3:0 (1:0)
Kulow – Połčnica3:0 (3:0)
Kumwałd – Großnaundorf 0:2 (0:0)
Hnašecy-Dobruša – Něm. Pazlicy 1:1 (0:0)
Germania Budyšin – Ramnow 2:3 (1:1)
Radwor – Bukecy7:1 (5:1)
Kinspork/Łužn. – Ralbicy/Hórki 1:2 (1:1)
Porchow – Hory1:3 (1:2)
1. Rakečanske ST 25 93 : 15 70
2. Módro-běli Kulow 25 54 : 27 50
Rozsud wo zestupje přestorčeny
FC Energija Choćebuz – VfR Aalen 2:1 (1:1)
Zestawa domjacych: Spahić – Schneider, Müller, Matuwila, Weidlich, Bohl, Gjasula, de Freitas, Schlüter (68. Hemmerich), Viteritti, Rangelow (55. Mamba)
Z dobyćom 2:1 přećiwo hižo zestupjenemu cyłkej VfR Aalen je FC Energija Choćebuz w předposlednjej hrě sezony drje winowatosć spjelniła, ale za wulke wjeselo njemóžeše ćežko wuwojowane dobyće tak prawje wužiwać. To zaležeše na njewšědnych wuslědkach na tamnych hrajnišćach.
Tak zadźiwa jasne domjace dobyće SG Sonnenhof Großaspacha přećiwo FSV Zwickauwej (5:2), ale tež wonkowne dobyće Carl Zeiss Jeny 1:0 pola SV Meppena. Tak dyrbi Energija nětko na poslednim hrajnym dnju sobotu pola Eintracht Braunschweiga dobyć, zo by dale w třećej lize wostała.
Alojs Mikławšk dale na čole Viktorije
Sobustawojo sportoweho towarstwa Viktorije Worklecy wotměchu minjeny pjatk swoju hłownu zhromadźiznu, kotraž bě zdobom wólbna. Tam předstajichu bilancu zašłych 24 měsacow a dorozumichu so na ćežišća towarstwoweho dźěła za přichod. Najwažniši dnjowy dypk pak běchu wólby noweho předsydstwa. Při tym bu dotalne z jasnym a přeswědčiwym wotumom wobkrućene.
Alojs Mikławšk nawjeduje Viktoriju Worklecy nětko hižo 22 lět. Zastupjer Mikławška wostanje Gernot Schweitzer a pokładnik Viktorije Jörg Barz. Ličba přisydnikow je wo dwaj na dźewjeć rozrostła. Z Marcelom Rjelku, Kathrin Spiesec, Mattijom Šěnom a Tomašom Kralom su wolejbulisća wosebje sylnje zastupjeni.
Do hrajneje doby 2019/2020 póńdźe Viktoria ze štyrjomi žonjacymi wolejbulowymi mustwami. Z toho budźetej dwě hrajnej zjednoćenstwje ze Sportowym towarstwom Marijina hwězda. Prěnje wolejbulowe mustwo žonow a holcow kaž tež prěnje blidotenisowe mustwo muži startujetej zaso we wobwodnej lize. Za wjesne towarstwo, wobstejace z pjeć wšelakich sportowych družin, je to wulki wuspěch. Michał Mikławšk
Njetrjebawši dyrkotać dyrbjeli
ST Kinspork/Łužnica
– Sokoł Ralbicy/Hórki 1:2 (1:1)
Zestawa hosći: Schöne – K. Matka, B. Bjeńš, Schultz, Budar, M. Matka (65. M. Kurjat), Gloxyn, Šołta, Bejmak, Korjeńk (46. G. Kurjat), Domaška (90. Kobalc)
Direktneho konkurenta doma wysoko porazyli
ST 1922 Radwor
– Zeleno-běli Bukecy 7:1 (5:1)
Zestawa domjacych: Jendrewski – Bauer, Šěrak, Pječak, Zähr, Wjacławk, Henka, Nuk, Glücklich (75. Omran), Šołta (33. Hančik), Reinecke (83. Hettasch)
Po wuspěšnym derbyju w Ralbicach pohosćichu koparjo Radworskeho ST předwčerawšim Zeleno-běłych Bukecy. Woni steja a stejachu w tabulce wokrjesneje wyšeje ligi dwě městnje nad Radworčanami, kotřiž su dale na poslednim městnje. Přihladowarjo nastajichu so potajkim na bojowniski pinčny duel dweju zestupneju kandidatow.
Skupina serbskich starterow přikładnje wojowała
28. běh na a po Sokolniku při wosebje špatnym wjedrje
Paralelnje z 21. Kamjenskim kćenjowym běhom wotmě so mjeztym hižo 28. jara naročny běh na Sokolnik a po nim. Jednotliwe distancy wurisanjow běchu 1,0/ 2,5/5,5 a 12 km, na kotrychž je cyłkownje 210 starterow cil docpěło. Na 5,5 km wubědźowaše so tež hišće dźesać lubowarjow walkinga. Tři štwórćiny běharjow wobdźělichu so na najdlěšimaj čaromaj. Tele wurisanje běše hižo lětuše pjate za rjadnu lisćinu Wopačanski cup. Aktiwni běchu z cyłeje Hornjeje kaž tež ze srjedźneje Łužicy, z Drježdźan a jeho wokoliny a z Döberna, mjez nimi tež zaso horstka serbskich atletow.
Na 1,0 a 2,5 km wubědźowachu so młódši kaž tež starši šulerjo. Serbski šuler Valentin Brězan z Bělšec (Ebendörfel) wubědźi sej w klasy U 10 dobre 4. městno w 4:12 min. Cyłkownaj dobyćerjej na 5,5 km (61 w cilu), kotrež wjedźechu nimale hač na wjeršk Sokolnika, běštaj Josef Zimmermann ze Žitawy (23:59 min) a Franziska Kranich ze Zhorjelca (25:56 min). Anabella Mehnertec z Budyšina doby w skupinje U 20 w spěšnych 35:02 min. Corinna Měrćinkowa z Chelna docpě na tutej distancy we walkingu 3. městno (44:20 min).
Wulku blamažu poćerpjeli
FC Hornja Łužica Neugersdorf – FSV Budissa Budyšin 5:1 (3:0)
Zestawa domjacych: Konečný – Vaněk, Rosa, Petrick, Wolf, Šisler, Dittrich (75. Behling), Marek (67. Schmidt), Knechtel, Brezinski, Djumo (82. Moravec)
Zestawa hosći: Schulz – Patka (88. Noack), Weiß (58. Dartsch), Kral, Wockatz, Hoßmang, Ciapa (64. Bönisch), Merkel, Schlicht, Kašiar, Treu
Wšitke tři dypki sobu domoj přiwjezli
TSV Rotacija Drježdźany
– SJ Chrósćicy 2:3 (1:2)
Zestawa hosći: Králíček – Püschel, Mark, Sentivan, L. Zahrodnik, Henčl (88. Zynda), G. Zahrodnik, Runt, Młynk, Bogusz (75. Šiman), Beneš
W Drježdźanach nastupichu Chróšćanscy koparjo pola tabulkoweho susoda Rotacije. Zaměr do partije bě tuž jasny: z dobyćom wotstawk na městna w pincy tabulki powjetšić.
Tola start so hosćom docyła njeporadźi. Hižo w 6. min. klinkaše we wrotach Petra Králíčeka. Robert Friedrich smokny bul z 20 metrow do hornjeho lěweho kuta. Počasu pak Chróšćenjo ćišć na přećiwnika zesylnichu, a to wosebje na škitarjow. Tak pósła Pavel Runt po wudobytym bulu Toma Henčla do šěsnatki. Tón ze zdalenosće dźesać metrow wuruna (17.). Nětko wuhrawaštej sej wobě mustwje šansy. Wrota domjacych pak sudnik nimohry dla njepřipózna, a hosćom falowaše dokładnosć. Jako wšitcy hižo na połčas čakachu, móžachu hrajerjo SJC hišće raz wyskać. Denny Püschel bě sej w srjedźnym polu bul wudobył a z wurjadnym pasom Jakuba Beneša před šěsnatku posłužił, kiž njeměješe žane ćeže, na 1:2 zwyšić.
