Křižowka (04.10.24)
Wodorunje: 3 na druhe wašnje, 6 přichad domoj, 7 třeći pad, 8 wulke wrota, 11 južny płód, 14 imperatiw k słowu storčić, 15 prjedawši typ awto-busow w NDR, 16 hudźbny instrument
Padorunje: 1 wón je dźěl popa, 2 wumjetowanje, wótra kritika, 3 Rätsel serbsce pl., 4 prěni přełožk biblije, 5 spěw w operje, 9 něhdyši přistaw Roma, 10 wašnje płaćenja mzdy, 12 wjes pola Wojerec, 13 haj, haj italsce
Čitajće w nowym rozhledźe (27.09.24)
We winowcowym wudaću Christin Herrmann jako „die herrmann“ swoje měnjenje hladajo na prašenja „čeja sy“ zwuraznja, kotrež so jej hižo husćišo staješe. Jedna so wo znate serbske (škitne!) wašničko, někoho do wěsteje swójby zarjadować chcyć – byrnjež wotpósłarjej snano jasne njebyło, kak spodźiwne so tute prašenje zwonka wsy začuwa. Zo je woblubowana spěwanska pedagogowka a hłosotwórča z Lipska tež rysowarka, jeje twórby w Rozhledźe pokazuja.
Wo lěsu jako „kluč za derjeměće“ piše dr. Justyna Michniuk –certifikowana strowotna trenarka lěsnych kupjelow – a wopisuje na přikład dušine a ćělne lěpšiny pohibowanja w přirodźe a z tym zwisowace pedagogiske aspekty lěsa. Dale rozkładźe lěsne postawy mytologije a kak so serbska rěč do tutoho koncepta integrować hodźi.
Hač drje Serbja tehdy wjelki lubowachu, praša so prof. dr. Bernd Koenitz. W městnostnych mjenach Łužicy namakaja so mjez druhim informacije wo něhdyšich wobstejnosćach a měnjenjach ludźi wo dźiwich psach a druhich zwěrjatach. Tute Koenitz na zakładźe onomastiskich a rěčespytnych principijow wuhódnoći.
Křižowka (27.09.24)
Wodorunje: 3 twarski material, 6 wustawki, 7 žónske předmjeno, 9 nastork, 12 Kathete zeserbšćene, 14 nic wuchod, 15 něšto tykanca, 16 Metall serbsce, 17 běži do Wolgi
Padorunje: 1 italske město wina, 2 ryba, 3 serbski program telewizije, 4 lěkarske wobkrućenje, 5 konfekt, 8 wjednik kozakow, 10 žiwidło, 11 wukaz cara, 13 rěka Srjedźneho morja
Lawreat Němskeho wubědźowanja chórow 2023 ffortissibros ze ...
Křižowka (13.09.24)
Wodorunje: 3 přisłušnik indogermanskeho naroda, 6 dawk, 7 stolica Egyptowskeje, 8 połžidka jědź, 11 apelzina, 14 zwěrjo Južneje Ameriki, 15 wulke morja, 16 hara wo ničo
Padorunje: 1 dźěl ćěła, 2 něhdyši sćelak w Berlinje, 3 majs, 4 poschod, 5 Torhaus serbsce, 9 Madźar němsce, 10 najwažniši dźěl awta, 12 běži do Dunaja, 13 spožčeny škit
Křižowka (06.09.24)
Wodorunje: 3 ... a podłu, 6 bjez wědomja, 7 žónske předmjeno, 8 stolica Kanady, 11 dźěl Čěskeje, 14 Senf serbsce, 15 italski přistaw při Adriji, 16 přenapinanje, nakopjenje
Padorunje: 1 jězdźidło, 2 nic kmótra, 3 ortografija, 4 škričkowanske měridło, 5 łužiske městačko, 9 Trost zeserbšćene (o=ó), 10 lubosć italsce, 12 připowědź banki, 12 korjenina a hojenska rostlina
Čitajće w nowym rozhledźe (30.08.24)
W septemberskim wudaću Rozhlada namaka so wuběr wjelorakich přinoškow.
„Mje njestara!“ Pod tutym hesłom wobswětluje Jonas Pjetaš swoje nazhonjenja z prawicarskej namocu na serbskich swjedźenjach a reakciju serbskeho wobswěta na tute njeskutki.
Prašenje je wšak: Štó chcemy być? Na zajimawe a hnujace wašnje předstaji Měrćin Wałda Serbow w konteksće z kolonializmom. Zo mějachu so jako „primitiwne“ a „njezrałe“ wobhladować, to dźě potajnstwo njeje. Zo njemóže pak so hač do dźensnišeho wo přewinjenej dobje rěčeć, to wotbłyšćuje nětčiše NJEpřipóznaće Serbow jako domoródny lud. Z tym pak so jenož zakładne standardy aktualneje politiki njepodrywaja: Hdyž statusej domoródnosće woznam njepřicpěwamy, njewotrězamy jenož hałuzu, na kotrejž sedźimy – ale zhubimy dźěl našeho čłowjeskeho byća a našeje dostojnosće.
Křižowka (23.08.24)
Wodorunje: 3 duchowny, 6 sydlišćo pola Nuknicy, 7 wobkrućer sudnistwa, 8 tute, 10 płody k jědźi, 11 něhdyši wobchodnik, 14 stolica Vietnama, 16 sobudźěłaćerjo, 17 personalny pronomen
Padorunje: 1 kartyplacanje, 2 program hotela, 3 wobdźělnik kónčneje hry, 4 pozitiwna elektroda, 5 arabski zaliw, 9 dźěl kolesowarskeho wubědźowanja, 10 škitna woršta štoma, 12 nic stereo, 13 póda, 15 ně čěsce
