Wědomostnica z cyłej dušu

Mittwoch, 18. Mai 2016
Artikel bewerten
(0 Stimmen)
Annalena Schmidt Foto: SN/MaćijBulank Annalena Schmidt Foto: SN/MaćijBulank

W Pólskej je Annalena Schmidt někotrym hižo znata, we Łužicy młoda wědomostnica runje na tym dźěła. Jeje masterske dźěło wo židowskej socialnej samopomocy w Pólskej za čas Druheje swětoweje wójny wuznamjenichu z wědomostnym spěchowanskim mytom wulkopósłanca Pólskeje republiki. Na zakładźe toho je wona nětko tež swoje doktorske dźěło dopisała. Štyri měsacy slědźeše we Waršawje, nětko we Łužicy. Wot lońšeho je w Gießenje rodźena a na tamnišej uniwersiće wukubłana historikarka sobudźěłaćerka Serbskeho instituta. Hač do lěta 2018 zaběra so wona tam hłownje z kulturu wšědneho dnja Łužičanow w dobje diktatury. Pilnje 29lětna mjeztym serbsku rěč wuknje. „Hornjoserbšćinu hižo rozumju, delnjoserbšćinu znajomosćow pólskeje rěče dla hišće lěpje. Prěnju hornjoserbsku mejlku sym hižo pisała, mam pak hišće tójšto nachwatać“, wona powěda.

Veröffentlicht in Kultura
Bitte anmelden, um einen Kommentar zu posten

Anzeige