Styki z Ukrainu njesu płody

Mittwoch, 19. Oktober 2016
Artikel bewerten
(0 Stimmen)
Na Pedagogiskej wyšej šuli w Nižynje, kotraž nosy mjeno ukrainsko-ruskeho spisowaćela Nikolaja Gogola, wuhotowachu w septembru wjacori wobdźělnicy festiwala „Litavry“ čitanske a bjesadne popołdnjo z mjezynarodnej poeziju (wotlěwa): Tatjana Dzjuba z Ukrainy, Benedikt Dyrlich z Łužicy, Diana Burazar z Chorwatskeje a Viktor Mjelnik z Ukrainy. Foto: M. Dyrlichowa Na Pedagogiskej wyšej šuli w Nižynje, kotraž nosy mjeno ukrainsko-ruskeho spisowaćela Nikolaja Gogola, wuhotowachu w septembru wjacori wobdźělnicy festiwala „Litavry“ čitanske a bjesadne popołdnjo z mjezynarodnej poeziju (wotlěwa): Tatjana Dzjuba z Ukrainy, Benedikt Dyrlich z Łužicy, Diana Burazar z Chorwatskeje a Viktor Mjelnik z Ukrainy. Foto: M. Dyrlichowa

Na swjatku poezije a kultury „Lytavry“ w Černihiwje

Z Budyskeho a Drježdźanskeho wida zdawa so, jako by ukrainski Černihiw na wuchodnej kromje Europy wopušćeny drěmał. Při tym so čłowjek dźiwa, dojědźe-li sej tam, zo wjedu přez město, ležace nimale 130 kilometrow sewjernje Kijewa, busowe a železniske čary z Odessy přez Kijew do Minska, Pětrohroda a Moskwy. Podobne zwiski wjazaja Černihiw ze swojimi něhdźe 300 000 wobydlerjemi z Lwowom a Waršawu na zapadźe kaž tež z Charkowom na wuchodźe.

Starožitne sydlišćo podłu rěki Desna z wjace hač pjatnaće wurjadnymi, w minjenymaj lětdźesatkomaj wuběrnje ponowjenymi katedralemi, kotrež wuchadźeja z doby wuchodnosłowjanskeho mócnarstwa „Kijewskeje Rus“, móžeš w prawym zmysle słowa wobhladować jako stawizniske a kulturne srjedźišćo. Mjez druhim so w měsće a jeho wokolinje z dalšimi dawnymi sydlišćemi ruska a ukrainska literatura a kultura křižu­jetej.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND