Ćeže pobrachowaceho dorosta dla

Mittwoch, 02. November 2016
Artikel bewerten
(0 Stimmen)
Serbski muski chór Delany je minjenu njedźelu na Krawčikec žurli w Chrósćicach hromadźe ze skupinu Přezpólni nazymski koncert wuhotował.  Foto: Feliks Haza Serbski muski chór Delany je minjenu njedźelu na Krawčikec žurli w Chrósćicach hromadźe ze skupinu Přezpólni nazymski koncert wuhotował. Foto: Feliks Haza

Chrósćicy (RS/SN). Starosćiwje je so Serbski muski chór Delany na swojim nazymskim koncerće minjenu njedźelu na Chróšćanskej Krawčikec žurli na zjawnosć wobroćił. „Mamy ćeže pobrachowaceho dorosta dla. Njewěmy, kak dołho móžemy hišće serbsku musku chórowu hudźbu poskićeć. Tohodla pytamy nu­znje nowych spěwarjow“, wobkrući předsyda chóra Janek Wowčer po koncerće.

Minjenu njedźelu njepřeswědčichu pak mužojo jeno ze znatymi serbskimi, němskimi, słowakskimi a ruskimi pěsnjemi, ale tež z tej abo tamnej překwapjenku. Tak předstajichu hakle třeći króć na koncerće kěrluš „Strowa sy, Marija“, kotryž bě Jan Pawoł Nagel za muski chór a tenorowe solo wobdźěłał. Na klawěrje přewodźeše muži Budyska pianistka Gina­ Henčowa, tenorowe solo přewza Janek­ Wowčer. Dokelž njebě so z mnohich přičin poradźiło mału skupinu chóra zestajeć, su sej „bratra“, spěwnu skupinu Přezpólni, na koncert přeprosyli. Woni­ zanošowachu pěsnje, kotrež běše Jan Arnošt Smoler zezběrał, a złožowachu so na tajke, kotrež su za kónčiny wokoło Chrósćic a Pančic-Kukowa zapisane.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND