Posledni lětuši nazymski koncert z jara dobrej naladu
Pančicy-Kukow (mkc/SN). Poprawom bě w Pančicach-Kukowje zawčerawšim připowědźeny delnjoserbski chór Łužyca. Ale schorjenjow dla njemóžeše wón koncert přewjesć. Zarjadowarka nazymskich koncertow – Załožba za serbski lud – je cyle krótkodobnje narunanje wobstarała: serbsku hudźbnu skupinu Wólbernosće. Ta reagowaše spontanje na situaciju a stematizowa swój program pod hesłom „Nazyma a druhe problemy“.