Na koncert brigady

Budyšin. Na swój tradicionalny adwentny koncert přeprošuje chór 1. serbskeje kulturneje brigady jutře, 17. decembra, w 17 hodź. do Michałskeje cyrkwje w Budyšinje. Lětsa zaklinči „Česká mše vánoční“ (Čěska hodowna mša) wuznamneho komponista Jakuba Jana Ryby. Z chórom 1. serbskeje kulturneje brigady přednjesu twórbu solisća Akademije muziskich wuměłstwow z Prahi Tereza Hořejšová (sopran), Petra Vondrová (alt), Ahmed Hedar (tenor), Jan Likař (bas), orchester Serbskeho ludoweho ansambla a Gina Hentsch na pišćelach. Cyłkowny­ nawod změje Friedemann Böhme.

Kniharnja přidatnje wotewrjena

Budyšin. Přidatnje k regularnym wotewrjenskim časam přeprošuje Budyska Smolerjec kniharnja na nakup hodownych darow, a to sobotu, 17. decembra, wot 10 do 17 hodź. kaž tež patoržicu wot 10 do 12 hodź. Nimo serbskich knihow a słuchoknihow, regionalneje literatury a łužiskich protykow poskićeja tam hodowne karty ze wšelakimi motiwami a wobstaraja tež knihi z cuzych nakładnistwow. Internetne skazanki su tohorunja móžne, a to pod adresu www.domowina-verlag.de.

... a SKI tohorunja