Budyska wosada Jozuwy w NSLDź hodowne kemše wuhotowała

Budyšin (SN/mwe). Druhi króć je Budyska swobodna ewangelska wosada Jozuwy prěni swjaty dźeń dopołdnja w Budyskim Němsko-Serbskim ludowym dźiwadle hodowne kemše wuhotowała. Wjace hač 400 hosći z cyłeho wokrjesa, mjez nimi tójšto ćěkancow a swójbow, dožiwi na hłownym jewišću Božu słužbu jako musical. Wosebitu Božu słužbu su jako livestream do cyłeho swěta jako hodowne poselstwo ze sprjewineho města wusyłali. Patronat zarjadowanja bě Budyski wyši měšćanosta Alexander Ahrens (njestronjan) přewzał, a wón je zhromadnje z Budyskim krajnym radu Michaelom Harigom (CDU) hosći na spočatku z widejoweje sćěny strowił.