Roland Dantz wjednicy Lessingoweje biblioteki dalšu podpěru přilubił
Kamjenc (SN/mwe). Z něhdźe 33 000 titlemi, 12 000 digitalnymi medijemi a třomi datowymi bankami słuša Kamjenska Lessingowa biblioteka k srěnjowulkim spěchowanym knihownjam Sakskeje. Rady wužiwaja ju nimo měšćanow wobydlerjo z wokolnych wsow, tež serbskich. Zo je poskitk na wsach jara trěbny – wšako su tam w běhu lět nimale wšitke biblioteki zawrěli, – pokazuje přirost wužiwarjow ze wsow na 43 procentow wšěch wupožčowarjow. 465 z nich je so loni prěni króć jako čłon Kamjenskeje biblioteki registrować dało.
